ઇ-એક્ટિવા / આતુરતાનો આવશે અંત.! ઈલેક્ટ્રિક હોન્ડા એક્ટીવાને લઈ ખુશખબર, આ તારીખે કંપની કરી શકે છે મોટી ઘોષણા

• લોકોને હોન્ડાના ઇલેક્ટ્રિક સ્કૂટરની રાહ છે
• કંપની તેના લુક અને ડિઝાઇન માટે હાજર ICE એન્જિન જેવુ જ રાખશે
• ઇ-એક્ટિવાની ટોપ સ્પીડ લગભગ 50 કિમી પ્રતિ કલાક હશે

ભારતીય માર્કેટમાં ઇલેક્ટ્રિક વાહનોની ડિમાન્ડ ઝડપથી વધી રહી છે. ખાસ કરીને ઇલેક્ટ્રોનિક વાહનોની માંગ વધારે છે. હાલ ભલે અનેક ઇલેક્ટ્રિક સ્કૂટર બજારમાં આવી ગયા હોય પરંતુ લોકોને હોન્ડાના ઇલેક્ટ્રિક સ્કૂટરની રાહ છે. હવે આશા છે કે હોન્ડા 29 માર્ચના રોજ ઇલેટ્રિક એક્ટિવાની ઘોષણા કરી શકે છે. જો કે, હજી સુધી કંપની તરફથી કોઇ આ વિશે જાણકારી આપવામાં આવી નથી. 

મીડિયા રિપોર્ટ અનુસાર, એક પ્રેજેટેશનના લીક થવા પર આ દાવો કરવામાં આવી રહ્યો છે. જેનાથી કંપની આ મહિનામાં ઇલેટ્રિક એક્ટિવા સ્કૂટરને લઇ જાહેરાત કરી શકે છે. ઉલ્લેખનીય છે કે છેલ્લા કેટલાય દિવસોથી એક્ટિવા સ્માર્ટના લોન્ચ ઇવેન્ટ દરમિયાન ઇલેક્ટ્રિક વાહનો વિશે કંપનીએ પ્લાન વિશે પુછવા પર કહ્યું હતું કે, કંપની માર્ચ 2024 સુધી ઇલેટ્રિક સ્કૂટર રજૂ કરશે હજી આ યોજના પર કામ ચાલી રહ્યું છે. આ નવા ઇલેક્ટ્રિક મોડલ હાજર એક્ટિવા મોડલ પર જ આધારિત હશે. ખાસ વાત એ છે કે આ ફિક્સડ બેટરી પેકની સાથે બજારમાં આવશે, જેનાથી ટોપ સ્પીડ લગભગ 50 કિમી પ્રતિ કલાક હશે. 

જણાવવામાં આવી રહ્યું છે કે, હોન્ડા ઇલેટ્રિક એક્ટિવાને ગ્લોબલી લોન્ચ કરવામાં આવશે. જેમાં એશિયા, યુરોપ અને જાપાનના બજારમાં રજૂ કરવામાં આવશે. ભારતીય માર્કેટમાં એક્ટિવા દેશની સૌથી વધારે વેચાતુ સ્કૂટર છે અને હવે આશા છે કે ઇલેક્ટ્રિક અવતાર પણ તેવુ જ પ્રદર્શન કરે. 

હાલ, આ ઇલેક્ટ્રિક સ્કૂટરની ઘોષણા માત્ર કરવામાં આવશે. તેના બીજા વર્ષે તેને બજારમાં ઉતારવામાં આવશે. આશા રાખવામાં આવી રહી છે કે કંપની તેના લુક અને ડિઝાઇન માટે હાજર ICE એન્જિન જેવુ જ રાખશે, પરંતુ તેમાં વધારે સારુ બેટરી પેક અને ઇલેક્ટ્રિક મોટરનો ઉપયોગ કરવો જોઇએ. તેના ફિચર્સ અને સ્પેસિફિકેશન વિશે હજી સુધી કોઇ જાણકારી મળી નથી. પરંતુ હોન્ડા હંમેશા પોતાના બેસ્ટ પર્ફોમિંગ વ્હીકલ માટે જાણીતુ છે. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.