ઓટો / Splendor ને પછાડી Activa બન્યું વેચાણમાં નં-1, જાણો ટોપ-10 લિસ્ટ

• ટુ-વ્હીલર સેગમેન્ટમાં હિરો અને હોન્ડા વચ્ચે જોરદાર મુકાબલો
• હોંડા એક્ટિવાએ સ્પ્લેન્ડરને પછાડી પ્રાપ્ત કર્યું પ્રથમ સ્થાન 

આ તરફ હીરો સ્પ્લેન્ડરે ઓક્ટોબરમાં કુલ 2,64,137 યુનિટનું વેચાણ કર્યું છે. આ વેચાણ સાથે સ્પ્લેન્ડર દ્વિચક્રી વાહનોના વેચાણમાં નંબર -2 પર સરકી ગઇ હતી. ઓક્ટોબર 2018 માં 2,68,377 યુનિટના વેચાણની તુલનામાં આ વર્ષે ઓક્ટોબરમાં સ્પ્લેન્ડરનું વેચાણ 1.57 ટકા જેટલું ઘટ્યું છે. તે જ સમયે, 2,44,667 સ્પ્લેન્ડર સપ્ટેમ્બરમાં વેચાયા હતા.

એક્ટિવાના વેચાણમાં થયો વધારો 

આંકડા જોઈએ તો ઓક્ટોબર 2019 માં એક્ટિવાએ 2,81,273 યુનિટ વેચ્યા છે. આ વેચાણ સાથે, એક્ટિવાએ સ્પ્લેન્ડરને માત આપીને, ટુ વ્હીલર્સના વેચાણમાં નંબર -1 પર કબજે કર્યો છે. ઓક્ટોબર 2018 ની તુલનામાં આ વખતે એક્ટિવાનું વેચાણ 7.24 ટકા વધ્યું છે, ગયા વર્ષે ઓક્ટોબરમાં 2,62,260 એક્ટિવા વેચાઇ હતી.

એક્ટિવાનું 12.99 ટકા વેચાણ વધ્યું

આ સિવાય સપ્ટેમ્બર 2019 ના વેચાણ મુજબ ઓક્ટોબરમાં હોન્ડા એક્ટિવા સ્કૂટરના વેચાણમાં 12.99 ટકાનો વધારો થયો છે. સપ્ટેમ્બરમાં 2,48,939 એક્ટિવા વેચાઇ હતી.

ડિલક્સ 10 સૌથી વધુ વેચાણ કરનારા દ્વિચક્રી વાહનોમાં ત્રીજા ક્રમે 

ઓક્ટોબરમાં, હીરો એચએફ ડીલક્સ 10 સૌથી વધુ વેચાણ કરનારા દ્વિચક્રી વાહનોના 1,85,751 એકમો વેચાણ સાથે ત્રીજા નંબરે રહેવા પામ્યું હતું. તે જ સમયે, પલ્સર ઓક્ટોબરમાં 95,509 યુનિટોના કુલ વેચાણ સાથે ચોથા ક્રમે હતું. ગયા વર્ષે ઓક્ટોબર સુધીમાં તેનું વેચાણ 5.69 ટકા વધ્યું છે.

અન્ય દ્વિચક્રી વાહનોના ક્રમાંક જાણો 

આ સિવાય 5 માં નંબર પર વેચાણ મામલે હોન્ડા સીબી સાઇન, છઠ્ઠા નંબર પર ટીવીએસ જ્યુપીટર, 7 માં નંબર પર બજાજ પ્લેટિના, 8 માં નંબર પર બજાજ સીટી 100, 9 નંબર પર ટીવીએસ લુના એક્સએલ સુપર અને 10 માં નંબર પર સુઝુકી એક્સેસ છે. 

ઓક્ટોબરમાં હોંડા સીબી સાઇનની  87,743 યુનિટ, ટીવીએસ જ્યૂપિટરના 74,560 યૂનિટ, બજાજ પ્લેટિનાની 70,466 યુનિટ, બજાજ સીટી 100 ના 61,483 યુનિટ ટીવીએસ લુના એક્સએલ સુપરના 60,174 યુનિટ તથા સુઝુકી એક્સેસના 53,552 વેચાયા હતા.