નેક્સ્ટ જનરેશન મૉડલ પહેલા Honda Activa 5g આવવાનું છે. જલ્દીથી લિમિટેડ એડિશન લૉન્ચ થવા જઇ રહી છે, આ એક્ટિવાની કિંમતમાં થોડો મામૂલી ફેરફાર તમને જોવા મળશે.
હોન્ડા એક્ટિવા દેશમાં સૌથી વધારે વેચાતું સ્કૂટર છે. જલ્દીથી કંપની એની નેક્સ્ટ જનરેશન મૉડલ લૉન્ચ કરવાની છે. પરંતુ નેક્સ્ટ જનરેશન મૉડલ લૉન્ચ થતા પહેલા કંપની એક્ટિવા 5g ની લિમિટેડ એડિશન લૉન્ચ કરવાની છે અને આ સ્કૂટરના ફોટો સામે આવી ગયા છે.
લૉન્ચિંગ પહેલા આ સ્કૂટર ડિલરશિપ સ્ટોરમાં જોવા મળ્યું છે. કંપનીને આશા છે કે આ લિમિટેડ એડિશનના આવ્યા બાદ એના વેંચાણમાં વધારો થઇ શકે છે. તમને જણાવી દઇએ કે 13 વર્ષમાં પહેલી વખત આ સ્કૂટરના વેંચાણમાં ઘટાડો આવ્યો છે.
નવી લિમિટેડ એડિશન હોન્ડા એક્ટિવાને સિલ્વર અથવા બ્લેક તથા પર્લ વ્હાઇટ અને ગોલ્ડ રંગમાં લવાશે. જો કે હજુ સુધી કંપનીએ એની લોન્ચિંગથી સંબંધિત કોઇ સત્તાવાર જાહેરાત કરી નથી પરંતુ આશા છે કે આ આવતા મહિને લૉન્ચ થઇ શકે છે.
આ લિમિટેડ એડિશન માટે કસ્ટમર્સને વધારે કિંમત આપવી પડશે નહીં, સૂત્રોનું માનીએ તો રેગ્યુલર વર્ઝનથી આ સ્કૂટરની કિંમતમાં માત્ર 400 રૂપિયાનો વધારો થશે.