ઓટો / ભારતના સૌથી પોપ્યુલર સ્કૂટરનું સ્પેશિયલ એડિશન લોન્ચ, જાણો દમદાર ફિચર્સ અને કિંમત વિશે

• હોન્ડા એક્ટિવાનું પ્રિમિયમ એડિશન લોન્ચ 
• નવા વેરિએન્ટમાં બે રંગોના ઓપ્શન 
• જાણો કિંમત અને અન્ય ફિચર્સ વિશે 

હોન્ડા મોટરસાઈકલ એન્ડ સ્કૂટર ઈન્ડિયાએ ગ્રાહકોના ફેવરેટ 125 સીસી સ્કૂટરનું નવું વેરિએન્ટ દેશમાં લોન્ચ કરી દીધુ છે. Honda Activa 125 પ્રીમિયમ એડિશન નામથી આ સ્કૂટરને ભારતમાં લોન્ચ કરવામાં આવ્યું છે અને આ નવા વેરિએન્ટને બે રંગોના ઓપ્શન- પર્લ અમેઝીંગ વ્હાઈટની સાથે મેટ મેગ્નિફિસેન્ટ કોપર મેટેલિક અને મેટ સ્ટીલ બ્લેક મેટાલિકની સાથે મેટ અર્લ સિલ્વર મેટાલિકમાં લોન્ચ કરવામાં આવ્યું છે. 

નવા હોન્ડા એક્ટિવા 125 પ્રીમિયમ એડિશનની સાથે કાળા રંગના એન્જિન અને કાળા સસ્પેન્શન આપવામાં આવ્યા છે જે તેના લુકને વધારે જોરદાર બનાવે છે. નવા સ્કૂટરને બોડી કલરની ગ્રેબ રેલ્સ અને પ્રીમિયમ ગ્રાફિક્સ આપવામાં આવ્યા છે જે ટેલલેમ્પ સુધી જાય છે. 

ડિસ્ક બ્રેક વેરિએન્ટની કિંમત 82,280 રૂપિયા 
હોન્ડા ટૂ-વ્હીલર્સના નવા એક્ટિવા 125 પ્રીમિયમ એડિશનના દિલ્હીમાં એક્સશોરૂમ કિંમત 78,725 રૂપિયા રાખવામાં આવી છે જે તેના ડ્રમ બ્રેક અને એલોય વ્હીલ વેરિએન્ટની કિંમત છે. ત્યાં જ તેના ડિસ્ક બ્રેક વેરિએન્ટની કિંમત 82,280 રૂપિયા સુધી જાય છે. સામાન્ય હોન્ડા એક્ટિવા 125 નવા એડિશનથી લગભગ 2,000 રૂપિયા સસ્તુ છે અને તેની દિલ્હી એક્સશોરૂમ કિંમત 76,771 રૂપિયા છે. 

આ કિંમત સ્કૂટરના ડ્રમ બ્રેક અને એલોય વ્હીલ વેરિએન્ટની છે. ડિસ્ક બ્રેક વેરિએન્ટ માટે આ સ્કૂટર તમને 80,325 રૂપિયા પડશે. હોન્ડાએ સ્ટેડર્ડ એક્ટિવા 125ને ડ્રમ બ્રેક અને સ્ટીલ વ્હીલ વાળા બેસ વેરિએન્ટમાં પણ લોન્ચ કરી છે. જેની દિલ્હીમાં એક્સશોરૂમ કિંમત 73,203 રૂપિયા રાખવામાં આવી છે. 

નવા વેરિએન્ટમાં કોઈ ટેક્નિકલ ફેરફાર નહીં 
હોન્ડાએ સ્કૂટરના નવા વેરિએન્ટમાં કોઈ ટેક્નિકલ ફેરફાર નથી કર્યો અને પહેલા જેવા 124 સીસી એન્જિનની સાથે આવે છે. સ્કૂટરનું એન્જિન 8.1 બીએચપી તાકાત અને 10.3 એનએમ પીર ટોર્ક બનાવે છે. કંપનીએ આ સ્કૂટરને LED હેડલેમ્પ અને ડિજિટલ ડિસ્પ્લે જેવા ફિચર્સ આપ્યા છે. અહીં ગ્રાહકોને સ્માર્ટફોન મુકવાની જગ્યા અને ચાર્જિંગ પોર્ટ પણ આપવામાં આવ્યા છે. 

આ સ્કૂટર ચાલુ થતી વખતે ઘણો ઓછો અવાજ કરે છે. જેનું કારણ તેમાં મળતુ એન્હેન્સ્ડ સ્માર્ટ પાવર નામનું ફિચર્સ છે. ભારતીય બજારમાં નવા સ્કૂટરનો મુકાબલો હીરો માએસ્ટ્રો એજ 125, TVS જ્યુપિટર, TVS એનટોર્ક, Ola S1 અને સુઝુકી એક્સેસ 125 જેવા સ્કૂટર્સ સાથે છે.