સુંદર, નિખરેલી અને બેદાગ સ્કિન માટે દૂધની મલાઈ જબરદસ્ત રીતે ફાયદાકારક છે. શિયાળામાં ખાસ સ્કિન ડ્રાય અને બેજાન થઈ જાય છે. આ સમયે પણ મલાઈનો ઉપયોગ બહુ જ અસરકારક સાબિત થાય છે. મલાઈ સ્વાસ્થ્યની સાથે સ્કિન માટે પણ બહુ જ સારી માનવામાં આવે છે. સ્કિનની સમસ્યાઓમાં મલાઈ લગાવવાથી કેવી અસર થશે તેના વિશે અને તેના ઉપયોગ વિશે આજે અમે તમને જણાવીશું.
બેસ્ટ મોઈશ્ચરાઈઝર
મલાઈ સ્કિન માટે સૌથી સારું મોઈશ્ચરાઈઝરનું કામ કરે છે. તેમાં રહેલાં ઓઈલી ગુણને કારણે સ્કિન પર એક પડ બની જાય છે. જેથી તે સ્કિનનું મોઈશ્ચર લોક કરી દે છે અને શુષ્ક અને ટંડા પવનમાં પણ સ્કિન ગ્લો કરે છે. થોડી મિનિટ મલાઈથી ફેસ પર મસાજ કરવાથી સ્કિનના ડેમેજ ટિશ્યૂઝ રિપેર થઈ જાય છે. જેનાથી સ્કિન હેલ્ધી બને છે.
સ્પોટ્સ કરે છે દૂર
જો તમારી સ્કિનમાં બહુ વધુ પ્રમાણમાં સ્પોટ્સ દેખાય રહ્યાં હોય તો બેસનથી સ્કિનને સાફ કર્યા બાદ મલાઈમાં થોડો લીંબુનો રસ મિક્સ કરીને લગાવો. સવારે ફેસ વોશ કરી લો. તેનાથી સ્કિન પર રહેલાં સ્પોટ્સ ઝડપથી દૂર થવા લાગશે.
કરચલીઓને કરે છે દૂર
આંખોની આસપાસ અને ફેસ પર પડતી કરચલીઓને દૂર કરવામાં પણ મલાઈ અસરકારક છે. રાતે દૂધની તાજી મલાઈમાં સહેજ ચોખાનો લોટ મિક્સ કરીને ચહેરા પર તેનો લેપ લગાવો. 15 મિનિટ પછી હળવા હાથે મસાજ કરતાં તેને દૂર કરો.
ચહેરાનો ગ્લો વધારે છે
મલાઈમાં બેસન, મુલતાની માટી, નાંરગીની છાલનો પાઉડર મિક્સ કરીને ઉબટન બનાવી લો. તેને ફેસ અને હાથ પર લગાવી લો. તેનાથી સ્કિન સાફ અને મુલાયમ બનશે. સાથે જ ચહેરાનો રંગ નિખરશે અને ગ્લો પણ વધશે.
સ્કિનને રાખે છે યુવાન
રોજ ચહેરા પર મલાઈ લગાવવાથી સ્કિન લાંબા સમય સુધી યુવાન રહે છે. તેમાં રહેલું પ્રોટીન અને વિટામિન સ્કિનમાં કોલેજનના પ્રોડક્શનને વધારે છે. જેનાથી સ્કિન યંગ રહે છે.