ઘરેલૂ નુસખા / માત્ર આ 1 ઉપાય ખરતાં વાળ અને ખરાબ સ્કિનની સમસ્યા ઝડપથી કરી દેશે દૂર, ફટાફટ જાણી લો

• સ્કિન અને વાળ બંને માટે લાભકારી છે આ ડ્રિંક
• ઘરમાં જ રહેલી સામગ્રીમાંથી થઈ જશે તૈયાર
• રોજ આ હેલ્ધી ડ્રિંક પીવાથી સ્કિન ગ્લો કરશે અને વાળ ખરતાં રોકાશે

સામગ્રી

2 ગાજર, 1 નારંગી, 1 બીટ, 1 ટામેટું અને 1 લીંબુનો રસ

આ રીતે બનાવો જ્યૂસ

આ જ્યૂસને તૈયાર કરવું બહુ જ સરળ છે. મિક્સરમાં બધાં જ શાકભાજીને બરાબર મિક્સ કરી જ્યૂસ તૈયાર કરી લો. તમે ફ્લેવર માટે તેમાં આદુ પણ મિક્સ કરી શકો છો. આદુ પણ સ્કિન અને વાળ માટે બહુ જ લાભકારી હોય છે. તેના ઉપયોગથી ખીલ દૂર થાય છે અને સાથે આદુ એક નેચરલ સ્કિન ટોનરનું પણ કામ કરે છે. સાથે જ વાળમાં રહેલું ઈન્ફેક્શન દૂર કરવામાં પણ મદદ કરે છે. 

આ છે ફાયદા

ગાજરમાં ભરપૂર પ્રમાણમાં વિટામિન સી હોય છે. તેમાં પ્રાકૃતિક રીતે સ્કિનને સારી બનાવવાના ગુણ હોય છે. સાથે જ ગાજરમાં રહેલું બીટા કેરોટીન સ્કિનમાં સોજા આવવાની સમસ્યાને દૂર કરવા માટે પણ કારગર છે. સાથે જ ગાજરમાં રહેલાં પોષક તત્વો વાળને હેલ્ધી રાખવામાં મદદ કરે છે અને વાળને ખરતા અટકાવે છે.

નારંગી અને તેની છાલ સ્કિન માટે અનેક રીતે લાભકારક હોય છે. નારંગીમાં સિટ્રિક એસિડ હોય છે. જે સ્કિનને નિખારે છે. બીટમાં સ્કિનને નેચરલી ગ્લોઈંગ બનાવે છે અને લોહી પણ સાફ કરે છે. સાથે જ ટામેટાંમાં એન્ટીઓક્સીડેન્ટ અને લાઈકોપિન હોય છે. જે ડાર્ક સ્પોટ્સ દૂર કરે છે. લીંબુમાં રહેલાં એન્ટીબેક્ટેરિયલ ગુણ સ્કિન ઈન્ફેક્શન અને ખીલની સમસ્યા દૂર કરે છે. આ વસ્તુઓ વાળને હેલ્ધી રાખવા માટે પણ ખૂબ જ ફાયદાકારક છે. તેના વાળને પોષણ મળે છે.

આમ તો રોજ 1 વાર આ ડ્રિંક પીવી જ જોઈએ. પણ જો કોઈના લગ્ન થવાના હોય અને સ્કિન કે વાળ સંબંધી સમસ્યા હોય તો તેને દૂર કરવા અને સ્કિનનો ગ્લો વધારવા માટે પણ આ ડ્રિંક બેસ્ટ છે.