OMG! / આખરે કેમ 48 વર્ષ બાદ 71 વર્ષનાં વૃદ્ધે લીધું એડમિશન!

ટેક્સાસઃ અમેરિકાનાં ટેક્સાસ રાજ્યનાં ઓસ્ટિનમાં રહેનાર ડેવિડ કાર્ટરે હાલમાં જ ટેક્સાસ યુનિવર્સિટીમાં ફરીથી એડમિશન લીધું છે. પરંતુ વાત એ નથી કે તેઓએ બીજી વાર એડમિશન લીધું છે. પરંતુ તેઓ અંદાજે 48 વર્ષ બાદ યુનિવર્સિટી પરત ફર્યા છે અને હવે પોતાની ડિગ્રી પૂર્ણ કરવા ઇચ્છે છે. તેઓની ટ્યૂશન ફી યુનિવર્સિટી ચુકવશે.

હકીકતમાં 1971માં તેઓ આર્ટ્સનો અભ્યાસ કરી રહ્યાં હતાં. તેઓનું સપનું એક મોટા આર્ટિસ્ટ અથવા તો લેખક બનવાનું હતું, પરંતુ એક દુર્ઘટનાએ તેઓની જિંદગી બદલી નાખી. દારૂ પીવાને કારણે તેઓ એક દુર્ઘટનામાં કાંચની બારી સાથે ટકરાતા તેઓ સંપૂર્ણ રીતે ઘાયલ થયા હતાં. બાદમાં તેઓને સીજોફ્રેનિયા બીમારી થવાનું માલુમ થયું જેને કારણે તેઓનો અભ્યાસ પણ છૂટી ગયો હતો. આ દરમ્યાન તેઓની યાદશક્તિ પણ જતી રહી અને તેઓ એક જગ્યાએથી બીજી જગ્યાએ ભટકતા રહ્યાં. તેઓ સંપૂર્ણ રીતે બેઘર થઇ ગયા હતાં.

રિસર્ચ સાથે પુસ્તકો લખવા ઇચ્છું છું:
ટેનાસિટીમાં પત્રાકારિતાનો અભ્યાસ કરી રહેલ રાયન ચૈંડલરે તેઓને જોયા અને તેમની સારવાર કરાવી. હવે ડેવિડ બીજા ચાન્સમાં પોતાની ડિગ્રી પૂર્ણ કરવા માટે યુનિવર્સિટી પરત ફર્યા છે. તેઓ જણાવે છે, 'હું મારી જીંદગીનો બાકીનો સમય રિસર્ચ અને પુસ્તકો લખવામાં જ વિતાવવા ઇચ્છું છું. મારું માનવું એમ છે કે કોલેજ એજ્યુકેશન પૂર્ણ કરવાને કારણોસર પુસ્તકોને વધારે ઉત્તમ રીતે લખી શકીશ. આ દરમ્યાન અનેક બુદ્ધિમાન અને રસપ્રદ લોકોને મળવાનો મોકો પણ મળશે.'