માણસ અને શ્વાનની મિત્રતા વર્ષો જૂની છે. શ્વાન વિશે એવુ કહેવામાં આવે છે કે તે પોતાના માલિકને એટલો બધો પ્રેમ કરે છે કે શ્વાન પોતાની સંભાળ પણ એટલી રાખતો નથી જેટલી તે પોતાના માલિકની કરે છે.
શ્વાન અને માણસની મિત્રતા વર્ષો જૂની
શ્વાન અને માણસની મિત્રતાનો ભાવુક વીડિયો વાયરલ
ઘર વગરનો એક શખ્સ શ્વાન સાથે પોતાનો જન્મ દિવસ સેલિબ્રેટ કરે છે
ભાવુક વીડિયો વાયરલ
આ પ્રેમ જ છે, જેણે શ્વાનને મનુષ્યોને પોતાની નજીક લાવી દીધા છે. તમે ઘણી વખત જોયુ હશે કે કેટલાંક લોકો રસ્તા પર રહે છે. તેની પાસે ઘર હોતુ નથી. એવા નિરાધાર લોકોની આજુબાજુ ઘણી વખત શ્વાન જોવા મળે છે. લોકો જે ખાવાનુ તેમને આપે છે, તેઓ આ અબોલ શ્વાનને શેર કરી દે છે. આ શ્વાન તેમના મિત્ર બની જાય છે. એક ભાવુક વીડિયો વાયરલ થઇ રહ્યો છે. જેમાં એક ઘર વગરનો શખ્સ પોતાનો જન્મ દિવસ સેલિબ્રેટ કરી રહ્યો છે. અબોલ શ્વાન સાથે.
કોલંબિયાનો છે આ વીડિયો
ઈન્સ્ટા પર આ વીડિયોને @roteloperiodismo એ શેર કર્યો છે. જે યુવક આ વીડિયોમાં બેઠો છે, તે બેઘર છે. તેનુ નામ ચોકો જણાવવામાં આવી રહ્યું છે. તે સીડી પર પોતાના બે શ્વાનની સાથે બેઠો છે. આ વ્યક્તિ બંને શ્વાનના માથા પર ટોપી પહેરાવે છે પછી તે પોતાના બેગમાંથી કેક નિકાળે છે અને મીણબતી પ્રગટાવે છે. ત્યારબાદ તે હેપ્પી બર્થડે ગીત ગાય છે અને પોતાના મિત્રોને પણ કેક ખવડાવે છે. આ વીડિયોને જોઈ લોકો ભાવુક થયા. એક યુઝરે લખ્યું, કેટલો પાક દિલનો છે આ શખ્સ. તો અન્ય એક યુઝરે લખ્યું કે શ્વાન આપણા મિત્રોના સૌથી બેસ્ટ મિત્ર હોય છે.