માણસ તેના ચામડીના કલરથી નહી પરંતુ તેમની સ્માઇલથી લોકોને આકર્ષિત કરે છે પરંતુ તે સ્માઇલમાં અડચણરૂપ બને છે પીળા દાંત. જો દાંત પીળા હોય તો ઘણી જગ્યાએ બોલવામાં કે હસવામાં તમને સંકોચ થાય તે સ્વાભાવિક છે. તો આ ઘરેલૂ નુસ્ખાથી તમારા દાંત થઇ જશે સફેદ અને આકર્ષક.
દાંતને રાખો સફેદ
દાંતની પીળાશ છે તમારા હાસ્યની દુશ્મન
ઇનો અને લીંબુ
ઇનો અને લીંબૂ એવી વસ્તુ છે જે આરામથી ઘરના રસોડામાં મળી જાય. તો ઇનોમાં લીંબૂ મિક્સ કરો અને તમારા પીળા દાંત પર આંગળીની મદદથી ઘસી લો. 5 મિનીટ બાદ કોગળા કરી લો આ ઉપાય અઠવાડિયામાં 2 વાર કરવાથી તમને ખૂબ ફાયદો થશે અને દાંતની પીળાશ દૂર થઇ જશે.
સરસિયુ અને મીઠુ
સરસિયાનુ તેલ અને મીઠુ મિક્સ કરીને બ્રશ કરવાથી દાંતની પિળાશ ઓછી થશે. આ ઉપાયથી પાયોરિયાની બિમારીમાંથી પણ તમને રાહત મળશે.
બેકિંગ સોડા અને મીઠુ
બેકિંગ સોડામાં મીઠું નાખીને દાંત સાફ કરવાથી દાંતની પીળાશ દૂર થાય છે. તેનાથી મોઢામાં પાયોરિયાની સમસ્યા ઓછી થાય છે તેમજ દાંત ચમકદાર રહે છે.
સ્ટ્રોબૅરી પેસ્ટ
સ્ટ્રોબેરીમાં ફોલિક એસિડ હોય છે જે દાંતને સફેદ કરે છે. સ્ટ્રોબેરીની પેસ્ટ બનાવો અને તેને પીળા દાંત પર લગાવો અને થોડીવાર માટે એમ જ રાખો. થોડા દિવસો સુધી આ પ્રક્રિયા ફૉલો કરવાથી દાંતની પીળાશ દૂર થાય છે.