ઘરેલૂ ઉપાય / શિયાળામાં ફાટેલી એડીઓ બનશે મુલાયમ, ફક્ત 2 ચીજથી તૈયાર કરો મિશ્રણ

શિયાળાની ફૂલ ગુલાબી ઠંડી શરૂ થઈ રહી છે. પરંતુ ભાગદોડના કારણે શક્ય છે કે તમે તમારી કેર ન કરી શકો. જો તમે તમારા શરીરનું સારી રીતે ધ્યાન નહીં રાખો તો તેના કારણે પગની એડીઓ ફાટવા લાગે છે. ફાટેલી એડીને સુંદર દેખાડવા માટે તમે ઘરેલૂ ઉપાય અજમાવી શકો છો. સસ્તા અને સરળ ઉપાયથી તમારા પગ સુંદર દેખાશે. પરંતુ આ ચીજ કઈ છે અને તેને કયા પ્રમાણમાં વાપરવી તે જાણી લેવું પણ જરૂરી રહે છે. 

આ રીતે ઘરે બનાવી લો આ મિશ્રણ, વેસેલીન અને લીંબુ કરશે તમારી મદદ

રીત

• સૌ પહેલાં એક વાટકીમાં 5-6 ટીપાં લીંબુનો રસ લો.
• એક ચમચી વેસેલીન મિક્સ કરીને તેને સારી રીતે હલાવી લો. 
• આ મિશ્રણને 15-20 મિનિટ સુધી ગરમ પાણીમાં રાખો. 
• ત્યારબાદ મિશ્રણ તૈયાર થઈ જશે. 

તેને થોડું થોડું લઈને તમે તમારા પગની એડી પર મસાજ કરો. આ મિશ્રણ આખી રાત પગ પર રહેવા દો. સવારે ચોખ્ખા પાણીથી પગ ધોઈ લો. પગ મુલાયમ બનશે અને સાથે જ રોજ રાતે સૂતા પહેલાં તમે આ પ્રક્રિયા કરો. થોડા દિવસમાં તમારા પગ પહેલાં જેવા મુલાયમ બની જશે.