બ્લેકકહેડ્સની સમસ્યા મોટા ભાગના લોકોને પરેશાન કરે છે. ખાસ કરીને ચોમાસામાં ભેજવાળા વાતાવરણમાં રજકણો, માટી અને ચીકાશને લીધે બ્લેકહેડ્સ વધારે થાય છે. તેને કાયમી દૂર કરવા આજે અમે તમને કેટલાક સરળ અને અસરકારક ઉપાય જણાવીશું, જે કરીને તમે આ સમસ્યામાંથી કાયમી છૂટકારો મેળવી શકો છો.
ચોમાસામાં વધી જાય છે બ્લેકહેડ્સની સમસ્યા
ઘરે જ કરો આ કારગર ઉપાય
ક્યારેય પાછાં બ્લેકહેડ્સ નહીં થાય
મધ
એક બાઉલમાં પાણી ગરમ કરી તેમાં ડબલ બોઈલિંગ પ્રોસેસથી મધને નવશેકું કરો. તેને બ્લેકહેડ્સ પર દસ મિનિટ લગાવી રાખો. તે પછી ગરમ પાણીમાં પલાળેલા સ્વચ્છ મુલાયમ કાપડથી મધ લૂછી લો.
હળદર અને કોકોનટ ઓઈલ
બાઉલમાં થોડી હળદર લઈ તેમાં પાણી કે કોપરેલ નાખી પેસ્ટ બનાવો. આ પેસ્ટને બ્લેકહેડ્સ હોય ત્યાં લગાવી પંદર-વીસ મિનિટ લગાવી રાખો. નવશેકા પાણીથી ધોઈ લો.
બેકિંગ સોડા
કાંચના બાઉલમાં 1 ચમચી બેકિંગ સોડા અને પાણી મિક્સ કરી પેસ્ટ બનાવો. તેને બ્લેકહેડ્સ પર લગાવી દસ મિનિટ માટે સુકાવા દો. તે પછી નવશેકા પાણીથી ધોઈ લો. અઠવાડિયામાં એક-બે વાર આ ઉપાય અપનાવો.
તજનો પાઉડર
એક બાઉલમાં અડધી ચમચી તજનો પાઉડર અને બે ચમચી મધ મિક્સ કરી પેસ્ટ બનાવો. બ્લેકહેડ્સ થયા હોય ત્યાં આ પેસ્ટ લગાવી પંદર મિનિટ રાખો. તે પછી ચહેરો સારી રીતે ધોઈ લો અને મોઇશ્ચરાઇઝર લગાવો. આ ઉપાય રોજ કરવાથી સારું પરિણામ જોવા મળશે.
લીંબુનો રસ
એક બાઉલમાં એક ચમચી લીંબુનો રસ લઈ રૂથી બ્લેકહેડ્સ પર લગાવો. દસ મિનિટ સુકાવા દીધા પછી ઠંડા પાણીથી ચહેરો ધોઈ લો. લીંબુના રસને તમે ઇચ્છો તો આખી રાત લગાવીને રાખી શકો છો.