ખીલની સમસ્યાને જડમૂળથી દૂર કરવા માટે અપનાવો આ ધરેલૂ ઉપાય

આજકાલ ખીલ-ફોડલી કે ચહેરો વારંવાર ચીકણો થઈ જવો સ્કિન ડાર્ક થવી વગેરે સમસ્યા વધુ જોવા મળે છે. પ્રદૂષણવાળા વાતાવરણ અને અસ્ત-વ્યસ્ત ખાણીપીણીને કારણે તમામ ઉંમરના લોકોને ખીલ-ખાડાની સમસ્યા થવા લાગી છે જેથી આજે અમે તમને ખીલની સમસ્યાને દૂર કરવા માટે 10 બેસ્ટ ઘરેલૂ ઉપચાર વિશે જણાવીશું જેણે  અપનાવીને આ સમસ્યામાંથી 1 મહિનામાં છૂટાકારો મેળવી શકશો..


-દિવસમાં 2 વખત કાકડીનો રસ ચહેરા પર લગાવો અને 10 મિનિટ બાદ ધોઈ લો. ખીલ ગાયબ થવા લાગશે.

-1 ચમચી લીંબુનો રસ ધીરે-ધીરે ખીલ પર લગાવો. 10 મિનિટ બાદ ધોઈ લો.

-ચહેરા પર મધ લગાવો અને 15 મિનિટ બાદ ધોઈ લો. આનાથી ખીલ ઓછાં થશે અને ચહેરા પર ચમક વધશે.

-રાતે સૂતા પહેલાં મધમાં એલચી પાઉડર મિક્સ કરીને ચહેરા પર લગાવો. સવારે નવશેકા પાણીથી ધોઈ લો.

-ફુદીનાનો રસ રાતે સૂતા પહેલાં ચહેરા પર લગાવો. સવારે ઠંડા પાણીથી ધોઈ લો. જલ્દી ખીલ દૂર થશે.

-ટામેટાનો રસ ચહેરા પર લગાવો. 15 મિનિટ બાદ ચહેરો ધોઈ લો. આનાથી ખીલની સમસ્યામાં ઝડપથી ફરક દેખાશે.

-20-30 કડવા લીમડાના પાનને 3-4 કપ પાણીમાં ઉકાળી લો. પાણી ઠંડુ થાય એટલે તેમાંથી લીમડાના પાન નિતારીને કાઢી લો. પછી આ પાણી ખીલ પર લગાવો.

-એક કપ પાણીમાં તુલસીના 15-20 પાન નાખીને 10-15 મિનિટ ઉકાળી લો. ઠંડુ થયા બાદ તેને ખીલ પર દિવસમાં 4-5 વાર લગાવો.

-5 ગ્રામ એલોવેરા જેલમાં 1 ગ્રામ ચણાનો લોટ અને ચપટી હળદર મિક્સ કરીને ખીલ પર લગાવો. જલ્દી ફાયદો થશે.

-પાઈનેપલના પલ્પને ચહેરા પર લગાવીને હળવા હાથે ઘસો. 10-15 મિનિટ રાખી પાણીથી ચહેરો ધોઈ લો.