ફાયદાકારક / તેલ-મસાલાવાળો ખોરાક ખાવાથી પેટમાં ભયંકર બળતરા થાય છે? તો આ 5 ઘરગથ્થુ ઈલાજ કરશો તો તરત જ મટી જશે

• વધુ પડતા તેલ-મસાલાવાળા ખોરાક ખાવાથી શરીરને નુકસાન પહોંચે છે.
• વધુ ઓઈલી ફૂડને કારણે પેટમાં બળતરાની સમસ્યા થઈ શકે છે
• પેટમાં બળતરાના અનેક કારણો હોઈ શકે છે

ફુદીનો

ફુદીનામાં મેન્થોલ હોય છે, જે શરીરને ઠંડક આપે છે. ફુદીનાનો જ્યૂસ પેટમાં થતી બળતરાને શાંત કરવા માટે ફાયદાકારક હોય છે. તેને બનાવવા માટે ફુદીનાને વાટીને તેનો રસ કાઢી લો. પછી તેમાં મધ તથા લીંબુ મિક્સ કરીને પીવો. તેનાથી પેટની બળતરા અને ઉબકા આવવાની સમસ્યામાં આરામ મળશે.

પાલક

આ જ્યૂસમાં પોષક તત્વો હોય છે, જે શરીર માટે ફાયદાકારક છે. પેટને ઠંડક પહોંચાડવા માટે પાલક, સેલેરી અને ફુદીનાના પાનને મિક્સ કરીને જ્યૂસ બનાવો અને દિવસમાં 2 વખત તેનું સેવન કરો. પેટમાં થતી બળતરામાં આરામ મળશે.

ગાજર

ગાજરનો જ્યૂસ માત્ર શરીર માટે જ ફાયદાકારક નથી પરંતુ તેને પીવાથી પેટમાં થતી બળતરા પણ ઓછી થાય છે. તેના માટે ગાજર અને ફુદીનાને મિક્સ કરીને તેનો રસ પીવાથી આરામ મળશે.

બીટ

બીટના જ્યૂસમાં રહેલા એન્ટિ-ઓક્સિડેન્ટ્સ હેલ્થ માટે ખૂબ ફાયદાકારક હોય છે. તેને પીવાથી પેટમાં થતી બળતરામાં આરામ મળે છે.

વરિયાળી

નિયમિતપણે વરિયાળી ખાવાથી પેટ અને કબજિયાતની ફરિયાદ દૂર કરી શકાય છે. તેના માટે વરિયાળીને સાકરની સાથે વાટીને ચૂરણ બનાવી લો અને આશરે 5 ગ્રામ ચૂરણ સૂતી વખતે નવશેકા પાણીની સાથે લો. તેનાથી ગેસ, કબજિયાત અને પેટમાં બળતરાની સમસ્યા દૂર થાય છે. આ સિવાય તમે વરિયાળીનું પાણી પણ પી શકો છો.