દાંતનો દુખાવો ઉપડે ત્યારે નર્કમાં હોઇએ તેવો અહેસાસ થાય છે પણ જો આવા સમયે ઝડપથી આરામ મળે તો... મોઢાની યોગ્ય સંભાળ ના રાખવામાં આવે તો તેની અસર દાંત પર પડવા લાગે છે અને દાંતની તકલીફ હોય ત્યારે વધારે ઠડું-ગરમ, ગળ્યુ કે ખાટું ખાવામાં આવી જાય ત્યારે થર્ડ ડિગ્રી ટોર્ચર જેવો અહેસાસ થવા લાગે છે. પરંતુ અમે તમને જણીશું ઘરેલૂ ઉપચાર, જેની મદદથી તાત્કાલિક આરામ મળશે...
- મીઠું અને મરીને ભેગી કરીને દાંતના દુખાવા માટે દવાનું કામ કરે છે. આ મિશ્રણમાં એન્ટિબેક્ટેરિયલ, એન્ટી ઇનફ્લોમેટ્રી તરીકે કામ કરે છે. આ બંને વસ્તુઓની પેસ્ટ બનાવીને તેને દરરોજ ટૂથ પેસ્ટની માફક ઉપયોગ કરી શકો છો અને દુખાવામાં પણ રાહત મળશે.
- દાંતના દુખાવા માટે લવિંગનુ તેલ એક આર્યુવેદિક જડીબુટ્ટીનુ કામ કરે છે. જ્યારે દાંતમાં દુખાવો ઉપડે ત્યારે રૂના પૂમડામાં લવિંગનું તેલમાં બોળીને જ્યાં દુખાવો થતો હોય ત્યાં લગાવી દો. આ સિવાય લવિંગના તેલના થોડા ટીપા એક ગ્લાસ પાણીમાં નાખીને તેના કોગળા કરો.
- મીઠાવાળું ગરમ પાણી પણ દાંતના દુખાવામાં રાહત આપે છે. આ પાણીથી કોગળા કરવાથી દાંતના દુખાવામાં ઘટાડો થઇ શકે છે.
- દાંતમાં દુખાવામાં રાહત મેળવવા માટે અને દાંતની તકલીફોથી દૂર રહેવા માટે વધુ પડતા ગરમ કે ઠંડા ખોરાકનું સેવન ના કરો. કારણ કે આ ખોરાકોથી કેવેટિસ વધે છે અને સાથે દાંતની કળતર પણ, આ માટે આઇસ્ક્રીમ, હોટ કોફી જેવા પીણા અને ખોરાકથી દૂર રહો.
- કફ ડ્રોપ્સમાં થોડા પ્રમાણમાં એનેસ્થિક (મેન્થોલ અને થોડા પ્રમાણમાં બેન્ઝોકેઇન) હોય છે. જે સામાન્ય દુખવામાં રાહત અપાવે છે, આ પ્રકારની ગોળીને ચાવવાને બદલે તેને મોઢામાં રાખીને ચૂસવાથી દુખવામાં રાહત મળે છે.