કાળા અને હેલ્ધી વાળ અને ગ્લોઈંગ સ્કિન કોને ન ગમે. જોકે, વાળ અને સ્કિનને સારાં રાખવા માટે દેશી ઉપાય ખૂબ જ મદદગાર સાબિત થાય છે. ચાલો જાણીએ એવો જ એક દેશી ઉપાય.
આ 1 વસ્તુનો ઉપાય રોજ કરો
વાળ અને સ્કિન મોટી ઉંમર સુધી રહેશે હેલ્ધી
આ વસ્તુ વાળ અને સ્કિન માટે છે વરદાન
આજકાલ કોઈપણ મહિલા કે પુરૂષો એવા નહીં હોય જેમને સ્કિન અને વાળની ચિંતા સતાવતી નહીં હોય. વાળ અને સ્કિનને હેલ્ધી રાખવા અને યુવાન રાખવા માટે દેશી ઘી બેસ્ટ દવા છે. જે સ્કિનને યુવાન રાખશે અને વાળને 60 વર્ષની ઉંમર સુધી કાળા અને ભરાવદાર રાખશે.
વાળને કાળા અને ભરાવદાર બનાવવાનો ઉપાય
વાળને કાળા અને ભરાવદાર રાખવા માટે ઘીનો હેર માસ્ક લગાવો. તેના માટે 2 ચમચી દેશી ઘી
1 ચમચી નારિયેળ તેલ લો. આ બંને વસ્તુ મિક્સ કરીને નવશેકું ગરમ કરી લો. પછી તેને તમારા વાળના મૂળમાં લગાવી હળવા હાથે મસાજ કરો અને 30 મિનિટ રાખીને પછી હર્બલ શેમ્પૂથી વાળ ધોઈ લો.
સપ્તાહમાં એકવાર આ ઉપાય કરવાથી વાળ ખરશે નહીં, વાળ ઝડપથી લાંબા થશે અને વાળને સફેદ થતાં બચાવે છે, સાથે જ બેમુખવાળા વાળ અને ડેન્ડ્રફની પ્રોબ્લેમને પણ દૂર કરે છે. આ ઉપાયથી લાંબા સમય સુધી કાળા અને સુંદર રહેશે.
કાળા કુંડાળા અને કરચલીઓ દૂર કરવા
આંખ નીચેના કાળા કુંડાળા દૂર કરવા માટે દેશી ઘીનો આ ઉપાય કરો. તેના માટે 2 ટીપાં દેશી ઘી લો. રોજ રાતે સૂતા પહેલાં 2 ટીપાં દેશી ઘી લઈને આંખોની આસપાસ લગાવી હળવા હાથે ત્યાં મસાજ કરો અને સવારે ધોઈ લો. આ ઉપાય કરવાથી કાળા કુંડાળા દૂર થશે, પફીનેસની પ્રોબ્લેમ દૂર થશે અને આંખો નીચેની કરચલીઓ પણ દૂર થશે.
સ્કિનને ટાઈટ રાખવાનો ઉપાય
સ્કિનને ટાઈટ અને યંગ રાખવા માટે દેશી ઘીનો આ ઉપાય કરો. તેના માટે 1 ચમચી દેશી ઘી અને 2 ચમચી ગુલાબજળ લો. ઘીને નવશેકું ગરમ કરીને તેમાં ગુલાબજળ મિક્સ કરો, પછી ચહેરા પર સર્ક્યુલર મોશનમાં ફેસ પર હળવા હાથે તેનાથી મસાજ કરો અને 15 મિનિટ બાદ વોશ કરી લો.
રોજ સ્નાન કરતાં પહેલાં આ ઉપાય કરવાથી સ્કિન ટાઈટ રહેશે, કરચલીઓ નહીં પડે, સ્કિન સોફ્ટ અને ફ્રેશ રહેશે અને તમે લાંબા સમય સુધી યુવાન દેખાય શકશો.
હોઠને ગુલાબી અને સોફ્ટ બનાવવા
હોઠ ફાટી રહ્યાં હોય કે હોઠ કાળા પડી ગયા હોય તો આ ઉપાય કરો. ફાટેલાં અને કાળા હોઠ માટે આ ઉપાય કરો. તેના માટે અડધી ચમચી દેશી ઘી અને 2 ટીપાં મધ લો. આ બંને વસ્તુના મિશ્રણને રાતે સૂતી વખતે હોઠ પર લગાવો. તેનાથી હોઠ ફાટશે નહીં, ગુલાબી અને સોફ્ટ બનશે.