ફાયદો / ઢીલી ચામડીથી પરેશાન છો તો ઑપરેશન કરાવવાની જરૂર નથી આ રહ્યાં ઉપાય

• લચી પડેલી ચામડી પર લાવો કસાવ
• ઉંમર કરતા દેખાશો જવાન

સરસવનું તેલ

સરસવનું તેલ ત્વચાને કડક બનાવવા માટે મદદ કરે શકે છે કારણ કે તેમાં વિટામિન-ઇ વધારે માત્રામાં હોય છે. જેથી ત્વચાને ટાઈટ કરવા માટે સરસવનું તેલ ગરમ કરો, ત્યારબાદ આખા શરીર પર તેલ લગાવો અને નહાતા પહેલા સારી રીતે મસાજ કરો.

પ્રિમરોઝ ઓઈલ

હવે જ્યારે ઢીલી ત્વચાને દૂર કરવા માટે ઘરેલું ઉપાયની વાત થઈ રહી છે, ત્યારે પ્રિમરોઝ તેલનો ઉલ્લેખ કરવો પણ મહત્વપૂર્ણ છે. વાસ્તવમાં, લિનોલીક એસિડ પ્રાઈમરોઝ તેલમાં જોવા મળે છે જે ઢીલી થઈ ગયેલી ત્વચામાં સુધારો કરી તેને ચુસ્ત બનાવી શકે છે. તેથી, રાત્રે ઉંઘતા પહેલા પાંચથી સાત મિનિટ માટે પ્રીમરોઝ તેલથી ત્વચાની માલિશ કરો.

નારિયેળનું તેલ

નાળિયેર તેલનો ઉપયોગ ત્વચાને ઘણી રીતે ફાયદો પહોંચાડી શકે છે કારણ કે તેમાં હાજર વિટામિન-ઇ ત્વચાના કોષોને જીવંત બનાવે છે, જે ઢીલી ત્વચાને ઝડપથી કસાવ લાવવામાં મદદ કરે છે.

એવોકાડો ઓઈલ

એવોકાડો તેલ ત્વચામાં કસાવ લાવવા માટે પણ મહત્વપૂર્ણ ભૂમિકા ભજવી શકે છે અને ત્વચામાં ભેજ જાળવી રાખે છે. વાસ્તવમાં તે વિટામિન-ઇ, પોટેશિયમ અને આરોગ્યપ્રદ ચરબીથી સમૃદ્ધ છે. આ પોષક તત્વો સરળતાથી ત્વચામાં સમાઈ જાય છે અને ત્વચાના કોષોની કામગીરીમાં સુધારો કરે છે.