આજના સમયમાં સ્ત્રી હોય કે પુરૂષ સ્કિનને લગતી સમસ્યા બધાંને હેરાન કરે છે. એમાં પણ હવે ધીરે ધીરે શિયાળાની શરૂઆત થઈ રહી છે. આ સીઝનમાં સ્કિનને લગતી સમસ્યાઓ વધી જાય છે, જેમાં ખાસ કરીને ડ્રાય અને રફ સ્કિન થઈ જાય છે. તેને દૂર કરવા માટે મોઈશ્ચરાઈઝર કે કોલ્ડ ક્રીમ્સની જગ્યાએ અહીં જણાવેલા ઉપાય કરી લો. તમારી સ્કિન રહેશે એકદમ સોફ્ટ, સ્મૂધ અને હેલ્ધી.
શિયાળામાં સ્કિનની સમસ્યા વધી જાય છે
હેલ્ધી અને સ્મૂધ સ્કિન માટે કરો આ ઉપાય
શિયાળામાં સ્કિન સોફ્ટ રાખવા બેસ્ટ છે આ ઉપાય
દહીં
સ્કિનને સોફ્ટ અને સ્મૂધ રાખવા માટે દહીં બેસ્ટ વસ્તુ છે. તેના માટે 5 ચમચી દહીંમાં 2 ચમચી મધ મિક્સ કરીને તેમાં 2 ચમચી દળેલી ખાંડ ઉમેરી બરાબર મિક્સ કરીનને આ સ્ક્રબને આખા ચહેરા પર લગાવો અને 3-4 મિનિટ માટે મસાજ કરો. ત્યાર બાદ ઠંડા પાણીથી ધોઈ નાંખો.
લીંબુ
1 ચમચી લીંબુનો રસ લઈને તેમાં એક મોટી ચમચી મધ મિક્સ કરી તેનો ઉપયોગ કરો. આનાથી તમારી સ્કિનમાં મોઈશ્ચર જળવાઈ રહેશે. આ મિશ્રણને ચહેરા પર લગાવી 15 મિનિટ રહેવા દો. પાણીથી ધોઈ નાંખો, જુઓ તમારી ત્વચા કેવી સોફ્ટ અને સ્મૂધ બને છે.
નારિયેળનું તેલ
નારિયેળના તેલમાં ફેટી એસિડ્સ હોય છે. જે સ્કિનને નેચરલી મોઈશ્ચરાઈઝ કરે છે. મોંઘી ક્રીમ્સ કરતાં ઘરે જ સ્કિન પર કોકોનટ ઑઈલ હૂંફાળુ કરીને દિવસમાં એક કે બે વાર લગાવો, ઈન્સટન્ટ રિઝલ્ટ મળશે.
ઘી
ઘીમાં સ્કિનને મોઈશ્ચરાઈઝ કરવાની ગજબ ક્ષમતા રહેલી છે. ઘી સ્કિનની રૂક્ષતા તો ઓછી જ કરે છે પરંતુ હોઠ ફાટી ગયા હોય તો પણ તે અક્સીર ઉપચાર છે. રોજ રાત્રે શરીર અને ચહેરા પર ઘીથી માલિશ કરી આખી રાત રહેવા દો. આટલું કરશો તો તમારે આખો શિયાળો મોઈશ્ચરાઈઝર વાપરવાની જરૂર નહીં પડે.