સુંદર ચહેરો બધાને આકર્ષિત કરતો હોય છે. ઘણી વખત સ્કિનમાં દેખાતા મોટા પોર્સ (છિદ્રો) ચહેરાની સુંદરતાને ઘણાં અંશે ઘટાડી દે છે. તેને કાયમી ઠીક કરવા હોય તો આ 5 ઉપાય કરી લો.
ઘરેલૂ ઉપાયો અપનાવી પોર્સ ઘટાડી સ્કિનને સોફ્ટ બનાવી શકાય છે.
એલોવેરા જેલથી રોજ મસાજ કરવાથી સ્કિન બને છે ટાઈટ અને ગ્લોઈંગ
ઓપન પોર્સમાં એપલ સાઇડર વિનેગર છે કારગર
ઓપન પોર્સના કારણે તેમાં ધૂળ, ગંદકી અને બેક્ટેરિયા જમા થવા લાગે છે, જે બ્લેકહેડ્સની સમસ્યા ઉત્પન્ન કરે છે. કેટલાક સચોટ ઘરેલૂ ઉપાયો અપનાવી પોર્સ ઘટાડી સ્કિનને સોફ્ટ બનાવી શકાય છે.
એપલ સાઇડર વિનેગર
એપલ સાઇડર વિનેગરમાં થોડું પાણી મિક્સ કરી કોટન બોલ્સની મદદથી ચહેરા પર લગાવો. થોડી વાર સુકાવા દો પછી પાણીથી ધોઈ લો. ધ્યાન રાખો એપલ સાઇડર વિનેગરની માત્રા ખૂબ વધુ ના હોવી જોઈએ.
પપૈયું
પપૈયાને સરખી રીતે મેશ કરી લો. આ પેસ્ટ ચહેરા પર 20 મિનિટ સુધી લગાવી રાખો. 20 મિનિટ પછી ઠંડા પાણીથી ધોઈ લો.
ઓટ્સ
ઇંડાના સફેદ ભાગની સાથે ઓટ્સ અને લીંબુનો રસ મિક્સ કરીને પેસ્ટ બનાવી લો. પેસ્ટને ચહેરા પર 30 મિનિટ સુધી લગાવી રાખો. પછી ઠંડા પાણીથી ચહેરો ધોઈ લો.
બેકિંગ સોડા
બેકિંગ સોડા અને પાણીને મિક્સ કરીને પેસ્ટ તૈયાર કરો. પછી હળવા હાથે તેને ઇફેક્ટિવ એરિયા પર 30 સેકન્ડ સુધી માલિશ કરો. ચહેરાને ઠંડા પાણીથી ધોઈ લો.
એલોવેરા
સ્કિન પ્રોબ્લેમ દૂર કરવા માટે એલોવેરા ખૂબ મદદરૂપ સાબિત થાય છે. ફ્રેશ એલોવેરા જેલથી ચહેરા પર આશરે 1થી 2 મિનિટ સુધી હળવા હાથે મસાજ કરી 10 મિનિટ લગાવી રાખો. ત્યારબાદ ઠંડા પાણીથી ધોઈ લો. એલોવેરા જેલને ચહેરા પર રોજ લગાવવાથી મોટા પોર્સની સમસ્યા ઓછી થઈ જશે. નેચરલ એલોવેરા જેલનો જ ઉપયોગ કરવો.