ઘણી વખત તો જું ની સંખ્યા એટલી વધારે હોય છે કે જું માથામાં હળવી ઇજા પણ પહોંચાડે છે
લીમડાના પાનથી જું મારવામાં અને ખંજવાડવાથી રાહત મળે છે.
તુલસીના પાન માથામાં થયેલી ઇજાને ભરવાનુ કામ કરે છે.
માથામાં જું હોય એક સામાન્ય વાત છે, માથામાં જું થવાથી ફક્ત માથામાં ખંજવાડ આવે છે. તે સાથે વાળ ખરવાની સમસ્યા પણ થાય છે. ઘણી વખત તો જું ની સંખ્યા એટલી વધારે હોય છે કે જું માથામાં હળવી ઇજા પણ પહોંચાડે છે. માથામાં વાળની વચ્ચે રહેતી જું લોહી ચૂસે છે. જો તમને પણ આ પ્રકારની સમસ્યા હોય તો લીમડા અને તુલસીના પાનની મદદથી છૂટકારો મેળવી શકાય છે. તે સાથે અનેક રીતે આ સમસ્યાનો ઇલાજ મેળવી શકો છો. તો આવો માથામાંથી જું ને દૂર કરવાના સરળ ઉપાયો વિશે જાણીએ.
1. લીમડો અને તુલસીના પાન(Neem and Tulsi Leaves)
માથામાં થયેલી જું થી છુટકારો મેળવવા માટે લીમડા અને તુલસીના પાન ખૂબ જ લાભદાયી છે. આ પાનને લગાવવાથી ના ફક્ત જું મરે છે, પરંતુ ખંજવાળ અને ખોડોની સમસ્યા પર દૂર થાય છે. તેની સાથે જ વાળ ખરતા પણ અટકે છે. તુલસીના પાન માથામાં થયેલી ઇજાને ભરવાનું કામ કરે છે. તે માટે એક પ્લેટમાં અમુક લીમડા ધોયેલા પાન લો, તેમાં થોડા સાફ તુલસીના પાન લો. ત્યાર બાદ તેમાં એક ચમચી પાણી લઇને ક્રશ કરી લો. હવે એક કડાઇમાં નાળિયેર તેલ લો, તેની સાથે હળવી આંચે ગરમ કરો. હવે તેલમાં તૈયાર કરેલ મિશ્રણને તેમાં મિક્સ કરને થોડી વાર ગરમ થવા દો. પછી તેલ ગાળી લો. સવારે વાળને ઘોયા બાદ ફરી હુંફાળુ કરીને વાળમાં મસાજ કરો. જો તમને વધારે સમસ્યા છે તો તેમાં કપૂર પણ મિક્સ કરી શકો છો.
2. ડુંગળીનો રસ (Onion Juice)
વાળમાં જું ને દૂર કરવા માટે ડુંગળીનો રસ કારગર સાબિત થઇ શકે છે. ડુંગળીના રસમાં હાજર એન્ટી માઇક્રોબિયલ ગુણ જું ને મારવામાં મદદ કરે છે. તે માટે બે થી ત્રણ ડુંગળીને મિક્ચરમાં ક્રશ કરી લો. તેમાં એક ચમચી હળદર મિક્સ કરો. હવે આ પેસ્ટને તમે સ્કાલ્પમાં સારી રીતે લગાવો. લગભગ 20 મિનિટ બાદ વાળને શેમ્પુથી ધોઇ લો.
3. લીંબુનો રસ (Lemon Juice)
વાળમાં જુંને હટાવવા માટે લીંબુનો રસ કારગર માનવામાં આવે છે. લીંબુનો રસ મોટા ભાગની જું ને મારી નાંખે છે. તે માટે 8થી 10 લીંબુનો રસ કાઢી લો. પછી તેને સ્કાલ્પમાં સારી રીતે લગાવો. લગભગ 15 મિનિટ સુધી વાળમા રાખીને વાળ ધોઇ લો.
4. લસણ અને લીંબુ પેસ્ટ
માથામા થયેલી વધારે પડતી જું ને દૂર કરવા માટે લસણ અને લીંબુ પેસ્ટ સૌથી કારગર છે. તે માટે એક જારમાં 10છી 12 લસણની કળી લો. હવે તેમાં લીંબુનો રસ મિક્સ કરી લો. આ પેસ્ટને વાળમાં લગાવીને 30 મિનિટ સુધી રહેવા દો. પછી હુંફાળા પાણીથી વાળ ધોઇ લો.
જું થવાનું કારણ (What Causes Lice)
– જું પ્રભાવિત વ્યક્તિના સંપર્કમાં રહેવાથી થાય છે.
– જું પ્રભાવિત વ્યક્તિની ટોપી, ટુવાલ, તકિયો કે કાંસકાના ઉપયોગ કરવાથી.
Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી.