Health Tips / તમને પણ હંમેશા રહે છે ફૂલ બોડી પેઈન? ચેતી જજો તમારી આ આદતો હોઈ શકે છે તેનું કારણ

• તમને પણ હંમેશા રહે છે ફૂલ બોડી પેઈન?
• જાણો તેના પાછળ શું છે કારણ 
• કરો લાઈફ સ્ટાઈલમાં સુધારો 

ઘણા લોકો પગ, હાથ, કમર, ખભા અથવા ગરદનના દુખાવાની ફરિયાદ કરે છે. પરંતુ કેટલાક લોકો આખા શરીરમાં થતા દુઃખાવાથી પણ પરેશાન રહે છે. શરીરના તમામ ભાગોમાં હળવો દુખાવો અનુભવે છે. શું તમે જાણો છો આ પાછળનું કારણ શું હોઈ શકે? જો નહીં તો ચાલો અમે તમને અહીં જણાવીએ કે આખા શરીરમાં દુખાવો થવાનું કારણ શું હોઈ શકે છે? અને તેની સારવાર શું છે?

આખા શરીરમાં દુખાવો રહેવાના કારણો 

તણાવ અથવા સ્ટ્રેસ
જ્યારે સ્ટ્રેસ હોય છે ત્યારે શરીરમાં ખુબ દુખાવો થઈ શકે છે. સ્ટ્રેસમાં રહેવાથી શરીરની રોગપ્રતિકારક શક્તિ નબળી પડે છે. આનાથી સ્નાયુઓ કડક થઈ શકે છે. આ સાથે શરીર સોજા અને સંક્રમણથી પણ પ્રભાવિત થઈ શકે છે. તેથી જો તમે પણ આખા શરીરમાં દુખાવાથી પરેશાન છો તો આજથી જ સ્ટ્રેસ લેવાનું બંધ કરી દો.

ડિહાઇડ્રેશન 
ડિહાઇડ્રેશન એટલે શરીરમાં પાણીની ઉણપ. કોઈપણ વ્યક્તિ માટે યોગ્ય રીતે કાર્ય કરતા રહેવા માટે હાઇડ્રેટેડ રહેવું ખૂબ જ મહત્વપૂર્ણ છે. તમને જણાવી દઈએ કે જ્યારે કોઈ વ્યક્તિ ડિહાઇડ્રેટેડ હોય છે ત્યારે તેને થાક લાગે છે. જેના કારણે આખા શરીરમાં દુખાવો થઈ શકે છે. 

પુરતી ઊંઘ ન લેવી 
સ્વસ્થ રહેવા માટે પૂરતી ઊંઘ લેવી ખૂબ જ જરૂરી છે. જ્યારે વ્યક્તિ પુરતી ઊંઘ ન લે ત્યારે આખા શરીરમાં દુખાવો થઈ શકે છે. ઊંઘ ન આવવાથી શરીર થાકેલું રહે છે.જેનાથી આખો દિવસ સુસ્તી રહે છે. તેથી તમારે દિવસમાં 8 કલાકની ઊંઘ પણ લેવી જોઈએ.