ફૂટ કોર્ન એટલે કે કપાસી એક એવી સમસ્યા છે, જેનાથી ઘણાં લોકો પરેશાન રહે છે. આ પગના તળિયામાં, પગની આંગળીઓ પર થાય છે. જાળી સફેદ રંગની કઠોર સ્કિનનું ચકામું થઈ જવું અને ધીરે ધીરે વધી જવા પર ઘણીવાર ઓપરેશન પણ કરાવવું પડતું હોય છે. તળિયાની સ્કિન સખત થયા પછી ખૂબ દુઃખાવો થવા લાગે છે. જો સમય રહેતા તેની સારવાર કરવામાં ન આવે તો તે સ્થાન પર કોર્ન બની જાય છે, જેને આપણે ગુજરાતીમાં કપાસી કહીએ છીએ.
કપાસી દૂર કરવાના અક્સિર ઘરેલૂ ઈલાજ
અહીં જણાવેલા નુસખાઓ અપનાવતા પહેલાં પગને મીઠાવાળા નવશેકા પાણીથી ધોઈ લેવા. પછી સૂકવીને અહીં જણાવેલા ઉપાયો કરવા.
લસણ
લસણમાં એન્ટીઓક્સીડેન્ટ, એન્ટીબેક્ટેરિયલ અને એન્ટીફંગસ ગુણ હોય છે. જે કપાસીના ઈલાજમાં કારગર છે. તેના માટે 3 લસણની કળીઓને શેકીને તેમાં 2 લવિંગનો પાઉડર મિક્સ કરી પેસ્ટ બનાવી કપાસી પર લગાવો. પટ્ટી બાંધી આખી રાત રહેવા દો. સવારો નવશેકા પાણીથી પગ ધોઈ લો.
જેઠીમધ
રાતે 1 ચમચી જેઠીમધના પાઉડરને સરસિયાના તેલમાં મિક્સ કરી પેસ્ટ બનાવી, કપાસી પર લગાવો. પછી તેના પર પટ્ટી બાંધી આખી રાત રહેવા દો. સવારે આ પટ્ટી હટાવી નવશેકા પાણીથી ધોઈ લો. આ ઉપાય કપાસી દૂર ન થઈ જાય ત્યાં સુધી રોજ કરો.
સરકો
વ્હાઈટ વિનેગર કપાસીની સમસ્યામાં ઝડપથી આરામ આપે છે. કોનટ બોલને સરકામાં ડુબાવીને પ્રભાવિત જગ્યાએ લગાવો. પછી તેના પર ડક્ટ ટેપ લગાવી દો. 3-4 કલાક બાદ તેને કાઢી લો.
ટી ટ્રી ઓઈલ
આ તેલમાં એન્ટી ફંગસ અને એન્ટીબેક્ટેરિયલ ગુણ હોય છે. જે કપાસીને મટાડવામમાં મદદ કરે છે. તેના માટે કોટન બોલમાં ટી ટ્રી ઓઈલ લઈને કપાસી પર લગાવીને ઘસો. તેના પર ટેપ લગાવી આખી રાત રહેવા દો. સવારે પગ ધોઈ લો.