બેક્ટેરિયલ અને વાયરસ ઈન્ફેક્શનને કારણે કાનમાં ઈન્ફેક્શનનો પ્રોબ્લેમ થાય છે. જ્યારે કાનની અંદર મ્યૂકસયુક્ત લિક્વિડ જમા થવા લાગે છે તો તેને ઈન્ફેક્શન કહેવાય છે. કાનમાં ઈન્ફેક્શન થાય તો ઘણી સમસ્યા થાય છે. કેટલાક લોકો કાનમાં જામેલો મેલ કઠોર થઈ જવાને કારણે પણ કાનમાં ઈન્ફેક્શન થાય છે. કાનમાં ઈન્ફેક્શનની સમસ્યા થવા પર ઘરેલૂ ઉપચાર બહુ ફાયદો આપી શકે છે. તેના માટે ડોક્ટર પાસે જવાની જરૂર નહીં પડે. તો ચાલો જાણીએ.
કાનમાં ઈન્ફેક્શન થાય તો આ ઉપાય કરો
કાનમાં મેલ જામી ગયો હશે તો પણ સરળતાથી નીકળી જશે
આ ઉપાય કરવાથી કાનની સમસ્યા માટે ડોક્ટર પાસે જવું નહીં પડે
આદુ
આદુમાં રહેલાં તત્વો કાનનું ઈન્ફેક્શન દૂર કરવામાં બહુ જ મદદ કરે છે. તેના માટે આદુનો અડધી ચમચી રસ લઈને તેમાં 3-4 ટીપાં લીંબુના રસના મિક્સ કરી લો. પછી 2-3 ટીપાં કાનમાં નાખો. અડધા કલાક પછી કાન સાફ કરી લો.
સરસિયાનું તેલ
સરસિયાનું તેલ અનેત રીતે સ્વાસ્થ્ય માટે ફાયદાકરક છે. કાનના ઈન્ફેક્શનને દૂર કરવા માટે પણ તમે તેનો ઉપયોગ કરી શકો છો. તેના માટે 2-3 ટીપાં સરસિયાના ગરમ તેલના કાનમાં નાખો. આરામ મળશે.
લસણ
3-4 લસણની કળી લઈને અડધો ગ્લાસ પાણીમાં તેને 5 મિનિટ ઉકાળો. પછી તેને પીસીને તેમાં ચપટી મીઠું મિક્સ કરો. આ મિશ્રણને એક સૂતરાઉ કપડાંમાં બાંધીને સંક્રમિત કાન પર રાખો. અન્ય એક ઉપાયમાં 2 ચમચી તલના તેલમાં 2 લસણની કળી કાળી ન થાય ત્યાં સુધી ગરમ કરો. પછી ઠંડુ થયા બાદ 2-3 ટીપાં તેના કાનમાં નાખો.
ટી ટ્રી ઓઈલ
ટી ટ્રી ઓઈલ ઈન્ફેક્શનની સમસ્યાને દૂર કરવામાં બહુ જ કારગર છે. 2 ચમચી ઓલિવ ઓઈલમાં 2 ટીપાં ટી ટ્રી ઓઈલ મિક્સ કરીને હળવું ગરમ કરી મિક્સ કરીને કાનમાં 2-3 ટીપાં નાખો. થોડી મિનિટ બાદ કાન સાફ કરી લો. આનાથી કાનમાં રહેલો મેલ પણ સરળતાથી નીકળી જશે.
તુલસી
તમારા કાનમાં દુખાવો અને ઈન્ફેક્શનની સમસ્યા હોય તો તુલસીનો ઉપાય ફાયદો આપી શકે છે. તેના માટે તુલસીના પાનનો રસ કાઢી 2-3 ટીપાં કાનમાં નાખો. તેનાથી આરામ મળશે.