શિયાળાની સીઝનની શરૂઆત થઈ ચૂકી છે ત્યારે ખાસ કરીને લોકોને હોઠ ફાટવાની ફરિયાદ સામાન્ય જોવા મળે છે. શરીરમાં પાણીની ખામી આ માટેનું કારણ હોઈ શકે છે. પાણી ઘટતાં જ સ્કીન ડ્રાય બને છે અને હોઠ જલ્દી જ ફાટવા લાગે છે. આ શિયાળામાં હોઠની સુંદરતા અને કોમળતા બની રહે તે માટે એક તો પાણી પીતા રહો અને સાથે જ કેટલાક ઘરેલૂ ઉપાયો પણ કરો. તેનાથી તમને રાહત મળશે.
શિયાળામાં આ ઉપાયો આપશે રાહત
ફાટેલા હોઠ માટે અપનાવી લો આ ઘરેલૂ ઉપાયો
સતત પાણી પીતા રહો એ અકસીર ઉપાય
હોઠને જોઈએ છે ભીનાશ
તમારી સ્કીનની જેમ હોઠને પણ ભીનાશની જરૂર રહે છે. આ માટે શિયાળામાં પાણી, ફળ અને શાકનું સેવન વધારે પ્રમાણમાં કરો. આ સિવાય બહાર જાઓ તો એસપીએફ વાળું લિપ ગ્લોસ લગાવો તે જરૂરી છે.
ગ્લિસરીન મેટ લિપસ્ટિક
વધારે સૂકાઈ ગયેલી સ્કીન અને હોઠ માટે ગ્લિસરીન પણ ઘરેલૂ ઉપાય બની શકે છે. તમે તેને હોઠ અને આંખોની આસપાસ લગાવો. હોઠ ફાટી ગયા હોય તો મેટ લિપસ્ટિકના બદલે ક્રીમયુક્ત લિપસ્ટિકનો પ્રયોગ કરો.
શિયા બટર કે નારિયેળ તેલ
દિવસે હોઠ પર શિયા બટર લગાવો. તેમાં એસપીએફના ગુણ હોય છે. તેનાથી હોઠને પોષણ મળી રહે છે. શિયાળામાં હોઠનું સૂકાપણું અને તેને ફાટવાથી બચાવવા માટે નિયમિત રીતે નારિયેળ તેલ પણ લગાવી શકો છો. હોઠને અંદરથી પોષણ આપવા નાભિ પર નારિયેળ તેલ લગાવો તે જરૂરી છે.
એન્ટી ઓક્સીડન્ટ્સ પણ જરૂરી
વિટામિન ઈ વાળો લિપ બામ એન્ટી ઓક્સીડન્ટ બની શકે છે, તેનાથી હોઠ મુલાયમ અને ગુલાબી રહે છે. શિયાળામાં ફાટેલા હોઠના કારણે સ્કીન ડેડ બને છે. આ માટે હોઠને સ્ક્રબ કરવાનું જરૂરી બની છે. આ માટે મધ અને ખાંડની મદદથી ઘરે જ હોઠની માલિશ કરો તેનાથી તેની સુંદરતા અને કોમળતા વધશે.