વિન્ટર ટિપ્સ / શિયાળામાં ડેડ સ્કિનની સમસ્યાથી પરેશાન છો, તો માત્ર આ 2 ઘરેલૂ નુસખા એકવાર કરો ટ્રાય

• સ્કિનના ડેડ સેલ્સથી ચહેરો લાગે છે ડલ
• ઘરેલૂ ઉપાયથી ડેડ સ્કિનની સમસ્યા થશે દૂર
• ગ્રીન ટી છે બેસ્ટ ઉપાય

ગ્રીન ટી

ગ્રીન ટી સ્વાસ્થ્ય માટે તો સારી છે જ પણ શું તમે જાણો છો આપણી સ્કિન માટે પણ ગ્રીન ટી અનેક રીતે લાભકારી છે. તેમાં રહેલાં એન્ટીઓક્સીડેન્ટ સ્કિનને હેલ્ધી અને હાઈડ્રેટ રાખે છે. સાથે જ સ્કિન પરના ડેડ સેલ્સને દૂર કરવામાં મદદ કરે છે. 

ઉપાય

આ ઉપાય કરવા માટે 2 ગ્રીન ટી બેગ, 1 ચમચી મધ અને 1 કપ પાણીની જરૂર પડશે. હવે 1 કપ ગરમ પાણીમાં ટી બેગ નાખી પછી પાણી ગાળી લો. હવે તેમાં મધ મિક્સ કરીને ચહેરા, હાથ, પગ જ્યાં ડેડ સ્કિન હોય ત્યાં આ મિશ્રણ લગાવો. 15 મિનિટ રાખી ધોઈ લો. રોજ આ ઉપાય કરવાથી ડેડ સ્કિનની સમસ્યા દૂર થઈ જશે. 

ખાંડ અને મધ

સ્કિનને એક્સફોલિએટ કરવા માટે ખાંડ અને મધનું મિશ્રણ મેજિકની જેમ કામ કરે છે. સદીઓથી ખાંડ અને મધનો પ્રયોગ સ્કિનને હેલ્ધી રાખવા માટે થતો આવ્યો છે. આ બંને વસ્તુ સ્કિનના ડેડ સેલ્સને દૂર કરીને સ્કિનને હેલ્ધી અને ગ્લોઈંગ પણ બનાવે છે. 

ઉપાય

તેના માટે તમારે 1 ચમચી મધ લેવાનું રહેશે. પછી તેમાં 1 ચમચી ખાંડ ઉમેરી બરાબર મિક્સ કરો. હવે જ્યાં-જ્યાં ડેડ સ્કિન હોય ત્યાં આ મિશ્રણ લગાવી હળવા હાથે સ્ક્રબ કરો. તમે ફેસ, હાથ અને પગે પણ આ મિશ્રણ લગાવી શકો છો. આનાથી ડેડ સ્કિન સેલ્સ દૂર થશે, સ્કિન એક્સફોલિએટ પણ થશે. ત્યારબાદ પાણીથી વોશ કરીને મોઈશ્ચરાઈઝર લગાવી લો.