બેસ્ટ ટિપ્સ / આ 8 સામાન્ય ટિપ્સ તમારી આંખો નીચેના ડાર્ક સર્કલ હમેશાં માટે ગાયબ કરી દેશે, કરો ટ્રાય

• મોટાભાગની મહિલાઓ આંખો નીચે કાળા કુંડાળાથી પરેશાન છે
• કેટલીક ટિપ્સ અપનાવી આ કાળા કુંડાળા દૂર કરી શકાય છે
• ટી બેગ્સ અને કાકડીનો પ્રયોગ ડાર્ક સર્કલ કરી દેશે દૂર

શરીરમાં ન્યૂટ્રીશન્સની કમી, રાતના ઉજાગરા, તણાવ, નબળાઈ અને હોર્મોન્સમાં ફેરફાર જેવા ઘણાં કારણોથી આંખો નીચે ડાર્ક સર્કલ થવાની સમસ્યા આજકાલ ખૂબ જ વધી રહી છે. એમાંય મહિલાઓમાં આ પ્રોબ્લેમ વધુ જોવા મળે છે. તેનાથી બચવા માટે ઘણાં ઉપાયો છે. જેના દ્વારા સરળતાથી ઓછા સમયમાં તમે ડાર્ક સર્કલને દૂર કરી શકો છો. તો જાણી લો. 

રાત્રે બદામને પાણીમાં પલાળી રાખો સવારે તે બદામને પીસી લો તેમાં લીંબુના ચાર ટીપાં મેળવી આંખોની આસપાસ લગાવો 

ડાર્ક સર્કલ્સ દૂર કરવા ખીરા (કાકડી) સૌથી સારાં છે. ખીરામાં ફુદીનાના પાનને મિક્સ કરી પીસી લો અને આ પેસ્ટ તમારા ડાર્ક સર્કલ્સ પર લગાવો. 10 દિવસમાં જ ફાયદો જોઈ શકશો. 

દિવસમાં બને એટલું વધારે પાણી પીઓ, ઓછામાં ઓછું અઢી લીટર પાણીતો પીવું જ જોઈએ. 

ચિંતા ઓછી કરો, કામનો ભાર તમારા સ્વાસ્થ્ય પર ખરાબ પ્રભાવ પાડે છે. દરરોજ યોગ અને નિયમિત કસરત કરો.

દરરોજ એક ફળ જરૂર ખાવો. બને તો દરરોજ એક સફરજન ખાવો.

અઠવાડિયામાં બે વાર રાતે સૂતાં પહેલાં બદામના તેલથી આંખોની આસપાસ હળવા હાથે મસાજ કરો. 

કાકડીનાં પતીકાં સમારીને તેને આંખો પર રાખો. પૂરતી ઊંઘ લો. ક્યારેક ઓછી ઊંઘને લીધે પણ આંખોની આસપાસ ડાર્ક સર્કલ્સ થઇ જાય છે. 

તમે આંખો પર યુઝ્ડ ગ્રીન ટી બેગ મૂકી શકો છો. ધ્યાન રાખવું કે ટી બેગ ઠંડી હોવી જોઈએ. બંને આંખો પર 10 મિનિટ આ ટી બેગ મૂકી રિલેક્સ કરો અને પછી આંખો ધોઈઓ લો. આ ઉપાય ડાર્ક સર્કલ દૂર કરવામાં મદદ કરે છે. 

આંખો નીચે ડાર્ક સર્કલ ન થાય તે માટે ડાયટનું ધ્યાન રાખવું પણ ખૂબ જ જરૂરી છે. તેના માટે ડાયટમાં દૂધ, દહીં, ખાટાં ફળો, લીલાં શાકભાજી, ફ્રૂટ્સ, ફણગાવેલું અનાજ સહિત જુદા જુદા કલરના શાકભાજી અને ફળો સામેલ કરવા જરૂરી છે.