બ્યૂટિ ટિપ્સ / શાઇની વાળ કે ક્લિયર સ્કિન દરેક સમસ્યા માટે એક ઉપાય છે કપૂર, ફાયદા જાણીને આજે જ ઉપયોગ કરશો

• કપૂરનું તેલ આપશે અઢળક ફાયદા
• ખીલમાંથી મળી જાય છે રાહત
• વાળ ખરવાની સમસ્યા થાય છે દૂર

કપૂરનું તેલ સામાન્ય રીતે બજારમાં સરળતાથી મળી રહે છે. પરંતુ તમે તેને સરળ રીતે ઘરે પણ બનાવી શકો છો. સૌ પહેલાં નારિયેળના તેલમાં કપૂરના થોડા ટુકડા મિક્સ કરો અને તેને એક એરટાઈટ ડબ્બામાં ભરીને રાખી દો. કપૂરના ગુણોને શોષી લીદા બાદ કપૂરનું તેલ બની જશે. તેને તમે ગમે ત્યારે કોઈપણ સમસ્યામાં ઉપયોગમાં લઈ શકો છો. 

કપૂર અને કપૂરના તેલના ફાયદા

• કપૂરનું તેલ સ્કીન પર લગાવવાથી ખીલમાં રાહત મળે છે. 
• ચહેરા પર કે શરીરના અન્ય કોઈ ભાગ પર ડાઘ પડી ગયા હોય તો કપૂરનું તેલ લગાવવાથી રાહત મળે છે. 
• ચિંતા ઓછી કરવા માટે પણ તેનો ઉપયોગ ફાયદો કરે છે. માથા પર લગાવવાથી કે તેને વાળમાં નાંખવાથી ચિંતામાં રાહત મળે છે. 
• જો વાળ ખરવાની સમસ્યા હોય કે ડેન્ડ્રફની સમસ્યા હોય તો કપૂરના તેલનું મસાજ લાભદાયી રહે છે. 
• ટાલની સમસ્યા હોય તો પણ કપૂરનું તેલ લગાવવાથી વાળ ઝડપથી આવે છે.
• કપૂરના તેલને દહીંમાં મિક્સ કરીને વાળના મૂળમાં લગાવો અને અડધો કલાક રહેવા દો. પછી વાળ ધોઈ લો. વાળ સિલ્કી, શાઈની અને મજબૂત બનશે. 
• જો તમારા પગમાં વાઢિયા પડી ગયા હોય તો તમે એક ટબમાં હૂંફાળું પાણી લો અને તેમાં થોડું કપૂરનું તેલ નાંખો. તેમાં પગ ડૂબાડી રાખો. એડીઓ સાફ થઈ જશે. પગમાં ઈન્ફેક્શન કે ફંગસ હશે તો તેને પણ તે દૂર કરે છે. 
• તમારી સ્કીન પર કોઈ દાઝી જવાના નિશાન હોય તો તેની પર તમે કપૂરના તેલની હળવા હાથે માલિશ કરો. થોડા સમયમાં તે નિશાન જતા રહેશે. બેદાગ અને નિખરેલી સ્કીન માટે કપૂર લાભદાયી છે. 
• શરીરમાં કોઈ ભાગમાં તમને દર્દ રહેતું હોય તો તમે કપૂરના તેલથી માલિશ કરી શકો છો. તેને થોડું ગરમ કરો અને જે ભાગમાં તકલીફ હોય ત્યાં મસાજ કરો. તમને રાહત અનુભવાશે.