ઉપચાર / કમર અને પીઠના દર્દને પેઈનકિલર વિના ચપટીમાં મટાડી દેશે આ 8 ઉપાય, કોઈ 1 અજમાવી લો

કમર દર્દ થવાના કારણો

• લાંબા સમય સુધી એક જ જગ્યાએ બેસી રહેવું અથવા ઊભા રહેવું
• વજન વધુ હોવું
• હીલ્સ પહેરવી
• શરીરમાં નબળાઈ
• અનિયમિત જીવનશૈલી
• નરમ ગાદલા પર સૂવું
• ઓફિસ અથવા ઘરે ભારે સામાન ઉઠાવવો
• મસલ્સમાં પ્રેશર વધવું

ઉપાયો

• રોજ સવારે લસણની 1-2 કળી ગળવાનું શરૂ કરી દો. કમરનો દુખાવો તો દૂર થશે જ સાથે આખા શરીરમાં દુખાવાની સમસ્યા દૂર થશે. 
• ગરમ પાણીમાં મીઠું નાખીને તેમાં ટોવેલ પલાળી તેનાથી કમર પર શેક કરો.
• અજમાને શેકીને તે ઠંડુ થયા બાદ ચાવો. સતત 7 દિવસ આ ઉપાય કરો.
• નીલગિરીના તેલમાં આદુની પેસ્ટ મિક્સ કરી એક કપડામાં આ મિશ્રણ બાંધીને તેને દુખાવાવાળા ભાગે રાખો.
• દુખાવાવાળા ભાગ પર 5 મિનિટ ગરમ શેક અને 2 મિનિટ ઠંડો શેક કરો.
• 3 ચમચી મીઠું શેકી લો. પછી આ મીઠાને થોડા જાડા સૂતરાઉ કપડામાં લઈ પોટલી બનાવી લો, આનાથી શેક કરો.
• કમરનો દુખાવો ન થાય તે માટે ચા બનાવતી વખતે 5-5 દાણા કાળા મરી અને લવિંગ અને તેની સાથે પીસેલું આદુ મિક્સ કરો. આવી ચા દિવસમાં બેવાર પીઓ.
• સરસિયું અથવા નારિયેળના તેલમાં લસણની 3-4 કળીઓ નાખી ગરમ કરી, ઠંડુ થયા બાદ રોજ સવારે આ તેલની કમરની માલિશ કરો.
• નરમ ગાદલા પર ન સૂવું જોઈએ.