કેટલાક ફૂડ જેનો આપણે રોજ ઉપયોગ કરીએ છીએ તેમાંના કેટલાક ખાસ મહત્વ ધરાવે છે. તેમનામાં રહેલા ન્યૂટ્રિએન્ટ્સ જેમકે ઓક્સીડેન્ટ્સ વધતી ઉંમરની અસર ઓછી કરવામાં મદદ કરે છે. આ સ્કિનની અનેક સમસ્યાઓથી બચવામાં ઇફેક્ટિવ છે. કેટલાક એવા ખાસ મિશ્રણ હોય છે જેને મિક્સ કરીને ચહેરા પર લગાવવાથી તમારી સ્કીન ઉંમર કરતાં નાની દેખાય છે. આ સાથે જ સ્કિનની ઇલાસ્ટિસિટી વધે છે અને તે ક્લીન રહે છે.
આજથી તમે તમારા રસોડામાંની કેટલીક ચીજોને યોગ્ય રીતે મિક્સ કરીને તેને ચહેરા પર એપ્લાય કરી શકો છો. જો તમે આ ચીજોને એકસાથે મિક્સ કરશો તો તે તમને બેસ્ટ રીઝલ્ટ આપી શકે છે. આ માટે તમારે કોઈ ખાસ ખર્ચ કરવાનો નથી. જરૂર છે તો થોડી જાણકારી સાથે તેનો યોગ્ય રીતે ઉપયોગ કરવાની. તો નોંધી લો આ ઘરેલૂ ઉપાયો અને મેળવો બેસ્ટ રીઝલ્ટ.
નારંગીની છાલને સૂકવીને પીસી લો. તેના પાવડરમાં દહીં મિક્સ કરીને ચહેરા પર લગાવો. તે સૂકાઈ જાય એટલે ચહેરો ઠંડા પાણીથી ધોઈ લો. રિંકલ્સ દૂર થવામાં રાહત મળશે.
પપૈયાના પલ્પમાં મધ મિક્સ કરીને ચહેરા પર લગાવી લો. થોડીવાર તેને રહેવા દો અને પછી ચહેરો ધોઈ લો. વધતી ઉંમરની અસર દેખાશે નહીં.
મધમાં ગુલાબજળ મિક્સ કરીને સ્કિન પર એપ્લાય કરો અને તેનાથી સ્કીન પર મસાજ કરો. સ્કિનની ચમક વધે છે અને સાથે જ સ્કીન પર ગ્લો પણ આવે છે.
કાચા ઇંડામાં લીંબુનો રસ અને મલાઇ મિક્સ કરીને લગાવવાથી વધતી ઉંમરની અસર ચહેરા પર દેખાશે નહીં. સ્કીન યુવાન દેખાશે.
બટાકા અને ગાજરને પીસીને પેસ્ટ બનાવી લો. તેને ચહેરા પર લગાવો. થોડી વાર બાદ તે જાતે જ સૂકાઈ જશે. થોડીવાર બાદ ચહેરો ધોઈ લો. સ્કીનની ઇલાસ્ટિસિટી વધે છે.
દહીંમાં લીંબુનો રસ અને હળદર પાવડર મિક્સ કરીને ચહેરા પર લગાવો. તે સૂકાઈ જાય તો ચહેરો સાદા પાણીથી ધોઈ લો. તે સ્કિનનો રંગ નિખારવામાં મદદ કરે છે.
બદામના પાવડરમાં કાચું દૂધ મિક્સ કરીને ચહેરા પર લગાવી લો. થોડી વાર તેનાથી ચહેરા પર માલિશ કરો. ચહેરા પરના રિંકલ્સ ધીમે ધીમે ઓછા થઈ જશે. સ્કીન વધારે યુવાન દેખાશે.
કાચા દૂધમાં મધ મિક્સ કરીને ચહેરા પર લગાવો. આ મિશ્રણ સ્કીનને રિંકલ્સથી બચાવવામાં મદદ કરે છે.
બટાકાના રસમાં ખીરાનો રસ મિક્સ કરીને ચહેરાની માલિશ કરો. તેનાથી વધતી ઉંમરની ઇફેક્ટ ચહેરા પર દેખાશે નહીં.