કેન્દ્ર સરકાર પ્રથમ વખત સરકારી કર્મચારીઓ માટે સોશિયલ મીડિયા સાથે સંકળાયેલા કેટલાક નિયમો લાવનાર છે. હવે સોશિયલ મીડિયા પર એક્ટિવ રહેતા સરકારી કર્મચારીઓએ કેટલીક ખાસ બાબતનું ધ્યાન રાખવું પડશે. મંત્રાલયે કર્મચારીઓને પોતાના ક્લાસિફાઇડ ડોક્યુમેન્ટ્સને ઇન્ટરનેટથી કનેક્ટેડ કમ્પ્યૂટરમાં રાખવાના બદલે સ્ટેન્ડ એલોન સિસ્ટમમાં રાખવા જણાવ્યું છે.
(પ્રતિકાત્મક તસ્વીર)
નવી દિલ્હીઃ કેન્દ્ર સરકાર પ્રથમ વખત સરકારી કર્મચારીઓ માટે સોશિયલ મીડિયા સાથે સંકળાયેલા કેટલાક નિયમો લાવનાર છે. હવે સોશિયલ મીડિયા પર એક્ટિવ રહેતા સરકારી કર્મચારીઓએ કેટલીક ખાસ બાબતનું ધ્યાન રાખવું પડશે. અહેવાલો અનુસાર ગૃહ મંત્રાલયે સરકારી કર્મચારીઓને મંજૂરી વગર ઓફિશિયલ ડિવાઇસીસ એટલે કે ઓફિસ તરફથી આપવામાં આવેલા મોબાઇલ અને કમ્પ્યૂટર પર સોશિયલ મીડિયાને એક્સેસ નહીં કરવા જણાવ્યું છે.
મંત્રાલયે કર્મચારીઓને પોતાના ક્લાસિફાઇડ ડોક્યુમેન્ટ્સને ઇન્ટરનેટથી કનેક્ટેડ કમ્પ્યૂટરમાં રાખવાના બદલે સ્ટેન્ડ એલોન સિસ્ટમમાં રાખવા જણાવ્યું છે. ગૃહ મંત્રાલય દ્વારા જારી કરાયેલ નોંધમાં જણાવાયું છે કે કર્મચારી, કોન્ટ્રાક્ટ પર કામ કરતા કર્મચારીઓ, કન્સલ્ટન્ટ, પાર્ટનર, ઇન્ફર્મેશન સિસ્ટમ્સ, ફેસિલિટીઝ, કોમ્યુનિકેશન નેટવર્કને મેનેજ, ઓપરેટ અને સપોર્ટ કરનાર થર્ડ પાર્ટી સ્ટાફ કોઇ પણ જાતના અધિકાર કે મંજૂરી વગર સોશિયલ મીડિયા કે સોશિયલ નેટવર્કિંગ પોર્ટલ અથવા એપ્લિકેશન્સ પર સત્તાવાર માહિતી શેર કરી શકશે નહીં.