• Home
  • India
  • home ministry does not have any order to close school again in india

નિર્ણય / Fact Check: શું ફરી દેશભરમાં શાળા-કોલેજો બંધ થઈ જશે? સરકારે તાત્કાલિક કરી સ્પષ્ટતા

Team VTV 06:55 PM, 19 Jan 21 | Updated: 07:23 PM, 19 Jan 21
home ministry does not have any order to close school again in india

એક તરફ જ્યાં દેશમાં કોરોના વાયરસ સામે જંગની શરૂઆત કરવામાં આવી છે ત્યાં બીજી તરફ સોશ્યલ મીડિયામાં અફવાઓ પણ ખૂબ તેજીથી ફેલાઈ રહી છે

  • ભારતમાં કોરોના વાયરસના કેસમાં સતત ઘટાડો 
  • દેશના જુદા જુદા રાજ્યોમાં ખૂલી રહી છે શાળાઓ 
  • સોશ્યલ મીડિયામાં શાળાને લઈને ફેલાઈ ખોટી માહિતીઓ 

સોશ્યલ મીડિયામાં ખોટા દાવાઓ 

ભારતમાં કોરોના વાયરસના કેસમાં સતત ઘટાડો સામે આવી રહ્યો છે અને સાથે સાથે આખા દેશમાં મહામારી સામે રસીકરણનું મહાઅભિયાન શરૂ કરી દેવામાં આવ્યું છે ત્યારે ઘણા રાજ્યોમાં શાળા-કોલેજો ખોલી દેવાના આદેશ આપવામાં આવ્યા છે ત્યારે સોશ્યલ મીડિયામાં શાળાઓ મુદ્દે અફવાઓ ખૂબ ફેલાઈ રહી છે. દાવો કરવામાં આવી રહ્યો છે કે ગૃહમંત્રાલયે ફરીથી શાળાઓ બંધ કરી દેવા માટે આદેશ કર્યા છે જે બાદ હવે સરકાર તરફથી આ મુદ્દા પર સ્પષ્ટતા કરવામાં આવી છે. 

સરકારે આપી સ્પષ્ટતા 

પ્રેસ ઈન્ફોર્મેશન બ્યૂરોએ સોશ્યલ મીડિયામાં વાયરલ થઈ રહેલા એક દાવાને ખોટો ગણાવ્યો છે. સોશ્યલ મીડિયામાં ખોટા દાવા કરવામાં આવી રહ્યા છે કે દેશભરમાં શાળા-કોલેજો ફરીથી બંધ કરવામાં આવી રહી છે. જે બાદ સરકારે આ મુદ્દે સ્પષ્ટતા આપી છે. 

પીઆઇબીએ કહ્યું કે ગૃહમંત્રાલય દ્વારા આવી કોઇ પણ નોટિસ જાહેર કરવામાં આવી નથી. સોશ્યલ મીડયામાં વાયરલ થઈ રહેલી તસવીરો એડિટ કરેલી છે અને આવા ખોટા દાવા સોશ્યલ મીડિયા ફરતા થયા છે. 

જુદા જુદા રાજ્યોમાં ખૂલી રહી છે શાળાઓ 

નોંધનીય છે કે મહામારીના કારણે દેશભરમાં શાળા અને કોલેજોને બંધ કરવામાં આવી હતી અને મહિનાઓ સુધી શિક્ષણકાર્ય થઈ શક્યું નથી. જોકે હવે કોરોના વાયરસના કેસમાં હવે જ્યાં ઘટાડો કરવામાં આવી રહ્યો છે ત્યારે ઘણા બધા રાજ્યોમાં ધીમે ધીમે શાળાઓ ખોલી દેવાની શરૂઆત કરવામાં આવી છે. નવા વર્ષમાં કોરોના વાયરસના કેસમા ઘટાડો થવાના કારણે 17 રાજ્યોમાં શાળાઓ ખોલી દેવામાં આવી છે. 

આ જ સપ્તાહમાં તમિલનાડુ, મહારાષ્ટ્ર અને મિઝોરમમાં પણ શાળા ખૂલી ગઈ છે જ્યારે રાજસ્થાન જેવા રાજ્યોમાં ધીમે ધીમે ટ્રાયલ સ્તર પર શાળાઓ ખૂલી રહી છે અને ઘણા રાજ્યોમાં યુનિવર્સિટીઓ પણ શરૂ કરી દેવામાં આવી છે.

એક તરફ જ્યાં શાળાઓ ખૂલી રહી છે ત્યાં બીજી તરફ સોશ્યલ મીડિયામાં વિવિધ માહિતીઓ વાયરલ થઈ રહી છે. જોકે આ માહિતીઓ પર સરકાર દ્વારા હવે સ્પષ્ટતા કરવામાં આવી છે. 

schools reopen Corona Virus covid 19 શાળા કૉલેજ Fact Check
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ