ગૃહ સચિવે દરેક રાજ્યોના ગૃહ મંત્રાલયને સત્તાવાર જાણ કરીને તકેદારીના આવશ્યક પગલાંઓ લેવા સુચના આપી દીધી છે. ગૃહ મંત્રાલયે રાજ્યોના પ્રમુખ સચિવો અને ડીજીપીને પત્ર લખી રાજ્યોમાં કાયદો-વ્યવસ્થા અને શાંતિ બની રહે તેવા આદેશ આપ્યાં છે.
ગૃહ મંત્રાલયે કહ્યું કે રાજ્ય અને કેન્દ્ર શાસિત પ્રદેશ સ્ટ્રોંગ રૂમની સુરક્ષા માટે જરૂરી પગલાં ઉઠાવે. જ્યાં મતગણતરી થઈ રહી છે તે જગ્યાએ પર્યાપ્ત સુરક્ષા વ્યવસ્થા નિશ્ચિત કરવામાં આવે. ગૃહ મંત્રાલયે આ નિર્ણય EVM પર ઉઠાવવામાં આવતા સવાલો અને વોટની ગણતરી દરમિયાન હિંસાની ધમકીઓ વચ્ચે લીધો છે.
સમગ્ર દેશની નજર ચૂંટણી પરિણામો પર
સમગ્ર દેશની જેની આતુરતાથી રાહ જોઈ રહ્યો હતો તે લોકસભાની ચૂંટણીનું પરિણામ આજે જાહેર થશે. લોકસભાની ચૂંટણીને લઈને નેતાઓના ધબકારા વધી ગયા છે. પરિણામની અંતિમ ઘડીઓ ગણાઈ રહી છે. 542 બેઠકો માટે પરિણામ જાહેર થવાનું છે ત્યારે VTV આપને આ મહાપરિણામનું મહાકવરેજ દેખાડતુ રહેશે. સવારે 8 વાગ્યાથી જ મતગણતરીની શરૂઆત થઈ જશે.
સવારે 8 વાગ્યે પોસ્ટલ બેલેટની ગણતરી થશે અને તેની સાથે જ ઇવીએમની મતપેટીઓ પણ ખુલવા લાગશે. મતપેટીઓની સાથે ઉમેદવારોના ભાવીની પેટઓ પણ ખુલવા લાગશે. કોણે દિલ્લીમાં સંસદભવનમાં તમાર બેઠકનું પ્રતિનિધિત્વ કરશે તે માટે સતત વીટીવી જોતા રહો.