મોરબીના ઝીંઝુડા ગામેથી ડ્રગ્સ પકડાયા બાદ ગૃહરાજ્યમંત્રીએ VTV સાથે વાતચીત કરી હતી.
ગૃહમંત્રી હર્ષ સંઘવીએ નવાબ મલિક પર સાધ્યું નિશાન
નવાબ મલિક પોતાના ત્યાં ચલતા ધંધાનો જવાબ આપે
'ગુજરાતમાં ડ્રગ્સ પેડલરનું સ્વાગત પોલીસ કરે છે'
મોરબીના ઝીંઝુડા ગામમાંથી અંદાજીત 600 કરોડના ડ્રગ્સ સાથે ATSએ 3 શખ્સોની ધરપકડ કરી છે, ATSએ મોટું ઓપરેશન હાથ ધર્યું હતું જેમાં 120 કિલો ડ્રગ્સ મામલે ગુજરાત ATSને મોટી સફળતા મળી છે ત્યારે હર્ષ સંઘવીએ VTVસાથે કરેલી વાતચીત ગુજરાત પોલીસની કાર્યવાહીના ભારોભાર વખાણ કર્યા હતા. ગુજરાત પોલીસે મહારાષ્ટ્ર અને પંજાબના હજારો યુવાનોને બરબાદ થતા બચાવ્યા હોવાની વાત કરી હતી.
નવાબ મલિકને હર્ષ સંઘવીએ શું કહ્યું?
હર્ષ સંઘવીએ ડ્રગ્સ પકડવા માટે પોલીસે અભિનંદન આપતા કહ્યું હતું કે ગુજરાત પોલીસે 1 સપ્તાહમાં મોટા અચિવમેન્ટ હાસિલ કર્યા છે. તેમણે આજે મોરબીના ઝીંઝુડા ગામમાંથી અંદાજીત 600 કરોડના પકડાયેલા ડ્રગ્સ મામલે વધુ વિગત આપતા જણાવ્યું કે ઝીંઝુડા ડ્રગ્સનું કન્સાઇન્મેન્ટ પંજાબ લઇ જવાની તૈયારી હતી જ્યારે દ્વારકાથી પકડાયેલું ડ્રગ્સ મહારાષ્ટ્રમાં ઘૂસાડવાનો પેંતરો હતો. આ સાથે જ તેમણે મહારાષ્ટ્રના મોટા નેતા નવાબ મલિકને આડે હાથે લીધા હતા. તેમના વાર પર પલટવાર કરતાં કહ્યું હતું કે મહારાષ્ટ્રના લારીવાળો ડ્ગ્સનું રેકેટ ચલાવતો હતો,નવાબ મલિક પોતાના ત્યાં ચલતા ધંધાનો જવાબ આપે આ સાથે ગુજરાતને ખોટી રીતે બદનામ કરવાનો આરોપ પણ લગાવ્યો હતો.
ડ્રગ્સ પેડલરનું સ્વાગત પોલીસ કરે છે - હર્ષ સંઘવી
આરોપ સાથે જ મોટો ઘટસ્ફોટ કરતાં હર્ષ સંઘવીએ કહ્યું હતું કે મહારાષ્ટ્રના થાણેમાં શાકભાજીની લારીમાં ડ્રગ્સ વેચતો હતો અને તેણે મહારાષ્ટ્રના અનેક યુવાને ડ્રગ્સના રવાડે ચઢાવ્યા છે. શાકભાજીની લારી ચલાવતા વ્યક્તિને ગુજરાત પોલીસે બચાવવાનું કામ કર્યું છે. ગુજરાતના યુવાનો વિશે વાત કરતાં કહ્યું હતું કે ગુજરાતમાં ડ્રગ્સ નથી લેવાતું એવું હું ના કહી શકું પણ ડ્રગ્સ લેવાનું પ્રમાણ અન્ય રાજ્ય કરતા ઓછું છે. તમે છેલ્લા કેટલાક દિવસથી જોઈ રહ્યા છો ડ્રગ્સ પેડલરનું સ્વાગત પોલીસ કરે છે. બેનંબરી ધંધો કરનારાને પોલીસ સીધા જેલને હવાલે કરે છે
120 કીલો હેરોઈન મળી આવ્યુઃ DGP
મુખ્તાર હુસેન ઉર્ફે જબ્બાર રાવ અને ગુલામ હુસેન ભગાડ મુખ્ય આરોપી છે તેઓ પહેલા પાકિસ્તાનથી આફ્રિકા ડ્રગ્સ મોકલવાના હતા પરતું પ્લાન ચેન્જ થતા આફ્રિકાના બદલે પાક.થી ડ્રગ્સ ભારત મોકલાયું હતું, બંને અગાઉ દુબઈ ગયા હતા જ્યાં દુબઈમાં ડ્રગ્સ માફિયા સંપર્કમાં આવ્યા હતા જે બાદ સલાયાથી ડ્રગ્સ મોરબીના ઝિંઝુડા ગામે ડ્રગ્સ આવ્યું હતું, આ ડ્રગ્સનું કાવતરુ UAEમાં ઘડાયુ હતું, ઓક્ટોબરના છેલ્લા સપ્તાહમાં ડ્રગ્સની ડિલિવરી લેવાઇ જેમાં પાક.નો ડ્રગ્સ માફિયા બલોચ મુખ્ય ષડયંત્રકાર હોવાનું સામે આવ્યું છે. ડ્રગ્સ મામલે હજૂ 2 લોકોને પકડવાના બાકી છે હોવાનું પોલીસ વડાએ જણાવ્યું છે. આરોપી પાકિસ્તાનના ઝાહીદ બશીદ બલોચ સાથે સંપર્કમાં હોવાનું સામે સામે આવ્યું છે, મહત્વનું છે કે પાકિસ્તાનમાંથી જેટલા પણ કન્સાઈનમેન્ટ મોકલાયા છે તે તમામ ગુજરાત પોલીસે પકડ્યા છે. ગુજરાત ATSને 120 કિલો હેરોઈન ઝડપી પાડવામાં સફળતા મળી છે તેવું રાજ્યના પોલીસ વડા આશિષ ભાટીયાએ જણાવ્યું છે.
120 કિલો ડ્રગ્સ અંદાજીત બજાર કિંમત 600 કરોડ
ગુજરાતમાંથી ડ્રગ્સ ઝડપાવાનો સિલસિલો યથાવત છે રાજ્યમાં મોરબીના ઝીંઝુડા ગામમાંથી ATSએ 3 શખ્સોની કરોડોના માદક પદાર્થ સાથે ધરપકડ કરી છે. જો કે હજુ સુધી ATS દ્વારા હજુ સુધી સત્તાવાર કોઈ પુષ્ટિ કરાઈ નથી, પરતું કરોડોનું ડ્રગ્સને પકડી પાડવા ATSએ મોટું ઓપરેશન હાથ ધર્યું હતું, જેમાં 120 કિલો ડ્રગ્સ મળી આવ્યું છે, આ ડ્રગ્સની કિંમત આંતરાષ્ટ્રીય માર્કેટમાં 600 કરોડ હોવાનું મનાઈ રહ્યું છે. નવલખી પોર્ટ પાસે ઝીંઝુડા ગામે સ્થાનિર પોલીસને સાથે રાખીને ATSએ ઓપરેશન હાથ ધર્યું હતું, જેમાં શમસુદ્દીન,ગુલામ હુસૈન,મુખ્તાર હુસેન ઉર્ફે જબ્બારની નામના 3 શખ્સોની ધરપકડ કરવામાં આવી છે. ગુલામ હુસૈન ભગાડ જામનગરના સલાયાનો રહેવાસી છે જ્યારે મુખ્તાર હુસેન ઉર્ફે જબ્બાર જામનગરના જોડીયાનો રહેવાસી છે.