ગુજરાતમાં હાલ મોટી માત્રામાં ડ્રગ્સની ખેપ ઝડપાવવાનો સિલસિલો યથાવત છે. સરકાર તેણે ડ્રગ્સ માફિયાઑ પર લગામની રીતે દર્શાવી રહી છે જ્યારે વિપક્ષ ડ્રગ્સ બાબતે સરકાર ખુલ્લો દોર આપતી હોવાથી માફિયાઑ બેલગામ થઈ રહ્યા હોવાનો આરોપ કરી રહ્યું છે.
જેના જેવા વિચારો એવી એની વાણી: હર્ષ સંઘવીએ ઈટાલિયાને આપ્યો જવાબ
ગૃહ રાજ્યમંત્રી હર્ષ સંઘવીએ ગોપાલ ઈટાલિયા પર વળતો પ્રહાર કર્યો છે. ગોપાલ ઇટાલિયાના ડ્રગ્સ સંઘવીવાળા નિવેદન પર કટાક્ષ કરતાં કહ્યું કે જેના જેવા વિચારો એવી એની વાણી છે. હર્ષ સંઘવી ડ્રગ પકડનાર વ્યક્તિ છે. દેશભરમાં ડ્રગનું નેટવર્ક તૂટ્યું છે. ગુજરાત પોલીસે દેશભરના યુવાનોનું ભવિષ્ય બગડતા બચાવ્યું છે. ડ્રગ મામલે ખોટી રાજનીતિ ન કરવી જોઈએ.
ડ્રગ્સ ઘુસાડનાર 600થી વધુ લોકોની ધરપકડ કરી
પંજાબમાં હાલ કોની સરકાર છે? ડ્રગ્સ સૌથી વધુ ક્યાં વેચાઈ રહ્યુ છે? એ આખો દેશ જાણે છે. પંજાબમાં જેની સત્તા છે એજ પાર્ટી ગુજરાતને બદનામ ન કરે ગુજરાતના યુવાનો ડ્રગીસ્ટ છે એવું બોલવાનું બંધ કરે, 11 માસમાં દેશમાં ડ્રગ્સ ઘુસાડનાર 600થી વધુ લોકોની ધરપકડ ગુજરાત પોલીસે કરી છે. ડ્રગ્સ મામલે કોઈપણ રાજનીતિ કરવી એ પાપ છે. ગણપતિની હાજરીમાં કહું છું કે પોલીસ એનું કામ સખ્તાઈ કરશે જ.
ગાંજો અને MD ડ્રગ્સ જેવા ડ્રગ્સનું પ્રમાણ પણ ખૂબ મોટું
મહત્વનું છે 2 દિવસ પહેલા એક રિસર્ચમાં ચોંકાવનારો ખુલાસો થયો હતો. ગુજરાતમાં ડ્રગ્સનું નેટવર્ક વધી રહ્યું છે અને અમદાવાદ આ ડ્રગ્સનું હબ બની રહ્યું છે તેવો દાવો IIMના રિસર્ચર કરી રહ્યા છે. અમદાવાદ IIMમાં રિસર્ચ એસોસીએટ તરીકે કામ કરતા ડોક્ટર એજાજ શેખે અમદાવાદના 25 વોર્ડમાં અલગ અલગ યુવાનો પર રિસર્ચ કર્યું છે. અને ખૂબ જ ચોકાવનારા ખુલાસા સામે આવ્યા છે અમદાવાદના પૂર્વ પશ્ચિમ અને મધ્યમાં ડ્રગ્સ એડિકટ યુવાનો પર રિસર્ચ કરતા ઘણા યુવાનો ડ્રગ્સ તરફ વળ્યાં છે જેમાં ગાંજો અને MD ડ્રગ્સ જેવા ડ્રગ્સનું પ્રમાણ પણ ખૂબ મોટું છે. રિસર્ચના આંકડા પ્રમાણે 7 થી 8% યુવાનો આ પ્રકારના ડ્રગ્સ વધુ લે છે..
16થી 35 વર્ષના યુવાનોમાં ડ્રગ્સ લેવાનું વધુ પ્રમાણ
આ ઉપરાંત આ રિસર્ચમાં એક વર્ડમાંથી 20 યુવાનો એવા 25 વોર્ડના યુવાનો પર રિસર્ચ કર્યું છે જેમાં ઘણા યુવાનો ડિપ્રેશનના કારણે ડ્રગ્સ લેતા હોય છે. જેમાં ડિપ્રેશનનું કારણ પ્રેમમાં બ્રેકઅપ અથવા બેરોજગારી હોવાનું ખુલ્યું છે. આ સર્વેમાં 16થી 35 વર્ષના યુવાનોમાં ડ્રગ્સ લેવાનું પ્રમાણ વધુ સામે આવ્યું છે. જેમાં સિન્થેટિક ડ્રગ્સનું પ્રમાણ વધ્યું છે. આ રિસર્ચ દરમ્યાન અનેક પરિવારની દયનિય હાલત સામે આવી છે.. જેમાં કેટલાક ઘરમાં યુવાનો ડ્રગ્સ કારણે મૃત્યુ પામ્યા હતા. આ પરિવારને દીકરો ડ્રગ્સના લતે કેવી રીતે લાગ્યો એ પણ ખબર નથી. એટલું જ નહીં તેમને રિહેબની સુવિધા ન મળી. બીજી તરફ અમદાવાદ શહેરમાં સેન્ટર પણ ઓછા છે જેમાં યુવતીઓ માટે તો રિહેબ સેન્ટર છે જ નહીં. જેના કારણે ડ્રગ્સનું પ્રમાણ યુવાપેઢીમાં વધી રહી છે. ડ્રગ્સના રવાડે અનેક લોકો સપડાયા છે.. પરંતુ તેઓને બહાર લાવવાની કોઈ વ્યવસ્થા નથી.. આ યુવાપેઢી સ્ટેટ્સ કે ડિપ્રેશનમાં ડ્રગ્સ તરફ જઈ રહી છે. પરંતુ પોલીસ કે સરકાર તેની પર નિયંત્રણ લાવવામાં નિષ્ફળ રહ્યા છે.