કેન્દ્રીય ગૃહમંત્રી અમિત શાહે બંગાળ અને અસમમાં પ્રથમ ચરણના મતદાન બાદ દાવો કર્યો છે કે બંને રાજ્યોમાં ભાજપની સરકાર બનવા જઈ રહી છે.
બંગાળ ચૂંટણી પર અમિત શાહનું નિવેદન
બંગાળમાં ભાજપની સરકાર બનશે : શાહ
વર્ષો બાદ આવી શાંતિપૂર્ણ ચૂંટણી થઈ હોવાનો દાવો
કેન્દ્રીય ગૃહમંત્રી અમિત શાહે આજે પ્રેસ કૉંફરેન્સ કરીને દાવો કર્યો છે કે પહેલા ચરણમાં 30 બેઠકોમાંથી 26 પર ભાજપ જીત હાંસલ કરશે. સાથે જ તેમણે ફરી દાવો કર્યો કે ભાજપની જ સરકાર બનશે.
200થી વધારે બેઠકો જીતીશું : શાહ
અમિત શાહે કહ્યું કે બંગાળ અને અસમમાં પહેલા ચરણમાં ભારે સંખ્યામાં લોકો મતદાન કર્યું છે. તે માટે હું મતદાતાઓનો આભાર માનું છું. મોટા પ્રમાણમાં મતદાન ભાજપ માટે શુભ સંકેત છે. મને આશા છે કે 30માંથી 26 બેઠકો પર ભાજપ જીત હાંસલ કરી છે. મને વિશ્વાસ છે કે 200થી વધારે બેઠકો પર ભાજપ પશ્ચિમ બંગાળમાં સરકાર બનાવશે. અસમમાં 47માંથી 37 બેઠકો ભાજપ જ જીતશે.
પહેલીવાર થઈ આવી ચૂંટણી : શાહ
અમિત શાહે કહ્યું કે મતદાન શાંતિપૂર્ણ અને સકારાત્મક રીતે થયું છે. એક પણ વ્યક્તિની મોત નથી થઈ. લોકોમાં દહેશત હતી કે દરેક વખતની જેમ જ ગુંડા આવશે અને ચૂંટણીને પ્રભાવિત કરશે. કેટલાય વર્ષો બાદ પહેલી એવી ચૂંટણી છે જેમાં બોમ્બ નથી ફૂટ્યા, એક પણ ગોળી નથી ચાલી.
મમતા સરકાર પર કર્યા હુમલા : શાહ
મમતા બેનર્જીની સરકાર પર નિશાન સાધતાં અમિત શાહે કહ્યું કે બંગાળમાં જે પ્રકારે ઘોર નિરાશા અને હતાશાનો માહોલ હતો. 27 વર્ષના કોમ્યુનિસ્ટ શાસન બાદ બંગાળના લોકોને આશા હતી કે નવી શરૂઆત થશે. પરંતુ બંગાળની પરિસ્થિતિ બદલાઈ નહીં.