ગુજરાત / કેન્દ્રીય ગૃહ મંત્રી અમિત શાહ દ્વારકામાં, ભગવાન દ્વારકાધિશના દર્શન અને ચરણ પાદુકાનું કર્યુ પૂજન 

• કેન્દ્રીય ગૃહમંત્રી ગુજરાત પ્રવાસે
• દ્વારકાધિશના કર્યા દર્શન 
• મોજપ ખાતે તાલીમાર્થીઓ સાથે સંવાદ સાધી થાબડી પીઠ

પ્રધાનમંત્રી નરેન્દ્ર મોદીની સાથોસાથે કેન્દ્રીય ગૃહમંત્રી અમિત શાહ પણ ગુજરાત પ્રવાસે આવ્યા છે. ત્યારે આજે સવારે તેમણે દ્વારકાના જગતમંદિર ખાતે ભગવાન દ્વારકાધિશના દર્શન કરીને પૂજા-અર્ચના કરી હતી.દ્વારકા પહોંચેલા કેન્દ્રીય ગૃહમંત્રીનું હેલિપેડ ખાતે સ્થાનિક ભાજપ અગ્રણીઓ તથા દ્વારકામાં કલેક્ટર અને ધનરાજ નથવાણી દ્વારા સ્વાગત કરાયું હતું. ત્યારબાદ કેન્દ્રીય ગૃહમંત્રીએ ધર્મપત્ની સાથે દ્વારકાધીશના દર્શન કરીને ભગવાનની ચરણ પાદુકાનું પૂજન કર્યું કર્યું હતું.

મોજપ ખાતે તાલીમાર્થીઓ સાથે સંવાદ સાધી થાબડી પીઠ

દ્વારકાધીશના દર્શન કરીને અમિત શાહ મોજપ ખાતે મરીન કોસ્ટલ એકેડમીની મુલાકાત લીધી અને મોજપ ખાતે તાલીમ લઈ રહેલા તાલીમાર્થીઓની પીઠ થાબડી હતી. તો આ સાથે જ તાલીમાર્થીઓ સાથે સંવાદ પણ કર્યો હતો.

द्वारका की पवित्रभूमि पर स्थित श्री द्वारकाधीश मंदिर में भगवान श्री कृष्ण के दर्शन कर राष्ट्र की उन्नति व प्रगति के लिए प्रार्थना की।

દ્વારકા, ગુજરાતની પવિત્ર ભૂમિ પર આવેલા શ્રી દ્વારકાધીશ મંદિરમાં ભગવાન શ્રી કૃષ્ણના દર્શન કરી રાષ્ટ્રની ઉન્નતિ અને પ્રગતિ માટે પ્રાર્થના કરી. pic.twitter.com/CpEi8FsRUB

— Amit Shah (@AmitShah) May 28, 2022

ઈફ્કોના કાર્યક્રમમાં થશે સામેલ 

આપને જણાવી દઇએ કે કેન્દ્રીય ગૃહમંત્રી અને સહકાર મંત્રી અમિત શાહ ગુજરાતના 3 દિવસીય પ્રવાસે છે. આજે તેઓ ગાંધીનગરમાં મહાત્મા મંદિરમાં યોજાનારા કાર્યક્રમમાં ઉપસ્થિત રહેશે. તો આવતીકાલે ગોધરામાં પંચામૃત ડેરીના કાર્યક્રમમાં ઉપસ્થિત રહેશે. નડિયાદમાં ગૃહ વિભાગના કાર્યક્રમમાં હાજરી આપશે. બાદમાં અમદાવાદના નારણપુરામાં સ્પોર્ટ્સ કોમ્પલેક્ષનું ભૂમિપૂજન પણ કરવાના છે અને ત્યારબાદ મોટેરા સ્થિત નરેન્દ્ર મોદી સ્ટેડિયમમાં IPLની ફાઈનલ મેચ નિહાળશે.