રાજકારણ / અમિત શાહની કાશ્મીરમાં એન્ટ્રી થતા જ પૂર્વ મુખ્યમંત્રી મહેબૂબા મુફ્તીનું આવ્યું નિવેદન, જાણો શું કહ્યું

• અમિત શાહના આગમનને કારણે ઘાટીમાં રાજકીય વાતાવરણ ગરમાયું
• અમિત શાહ પર મહેબૂબા મુફ્તીએ નિશાનો તાકી કટાક્ષ કર્યો  
• 370 નાબૂદ થયા પછી કાશ્મીરમાં મુશ્કેલીઓ વધી છે  

અમિત શાહના આગમનને કારણે ઘાટીમાં રાજકીય વાતાવરણ ગરમાયું

જમ્મુ કાશ્મીરની મુલાકાતે આવેલા ગૃહમંત્રી અમિત શાહના આગમનને કારણે ઘાટીમાં રાજકીય વાતાવરણ ગરમાયું છે.ગૃહમંત્રીની બેઠકોનો રાઉન્ડ શરૂ થઈ ગયો છે, અનેક વિકાસ યોજનાઓનો શિલાન્યાસ પણ થઈ રહ્યો છે. પરંતુ પૂર્વ CM અને પીડીપી ચીફ મહેબૂબા મુફ્તીને આ મુલાકાતથી કોઈ આશા નથી. તેમની નજરમાં બધું સામાન્ય બતાવવા માટે માત્ર નાટક ચાલી રહ્યું છે, પરંતુ વાસ્તવિકતા આનાથી તદ્દન અલગ છે 

HM inaugurating international flights from Srinagar & laying foundation of new medical colleges isn’t new. Half a dozen medical colleges were sanctioned by UPA gov & are functional now. Post Article 370 abrogation & an engineered crisis, J&K has been thrown into chaos.

— Mehbooba Mufti (@MehboobaMufti) October 23, 2021

અમિત શાહ પર મુફ્તીએ નિશાનો તાકી કટાક્ષ કર્યો  

મહેબૂબા મુફ્તીએ કહ્યું છે કે, શાહની મુલાકાત પહેલા 700 નાગરિકોની અટકાય કરવામાં આવી હતી. ઘણા ગુનેગારોને કાશ્મીરની બહારની જેલોમાં ખસેડવામાં આવ્યાં હતાં. આવા પગલાં તણાવને વધુ વધારવાનું કામ કરે છે. દરેક વસ્તુને સામાન્ય બતાવવાનો સતત પ્રયાસ કરવામાં આવે છે. પરંતુ દરેક જણ વાસ્તવિક સત્યને દબાવવા માંગે છે.

370 નાબૂદ થયા પછી કાશ્મીરમાં મુશ્કેલીઓ વધી છે  

બીજી બાજુ મહેબૂબાએ વિકાસના કામો પર કટાક્ષ કર્યો છે. જેને અમિત શાહ દ્રારા લીલી ઝંડી બતાવવામાં આવી છે. તેમની નજરમાં, અડધાથી વધુ પ્રોજેક્ટ્સ એવા છે  જેમનું કામ કાર્યકાળ દરમિયાન જ શરૂ થયું હતું. તેમણે વધુમાં ઉમેર્યું હતું કે, ગૃહમંત્રી શ્રીનગરથી આંતરરાષ્ટ્રીય ફ્લાઈટ્સનું ઉદ્ધાટન કરે છે, નવી મેડિકલ કોલેજનો પણ પાયો નાખે છે. પરંતુ સત્ય એ છે કે, કોંગ્રેસની સરકાર વખતે અડધાથી વધુ મેડિકલ કોલેજો સત્રમાં હતી. 370 નાબૂદ થયા પછી માત્ર સમાસ્યાઓ વધી છે. જમ્મુ-કાશ્મીરને અરાજક્તા તરફ ધકેલી દેવામાં આવ્યું છે.આ બધા સિવાય મુફ્તી વતી અમિત શાહને કેટલાક સૂચનો પણ આપવામાં આવ્યાં છે. તેમના મતે, જો કેટલાક કેદીઓ સમયસર જેલમાંથી છોડવામાં આવે, જો લોકો પરના જુલમનો અંત આવે, જો અર્થતંત્રને સુધારવાનું કામ યોગ્ય રીતે કરવામાં આવે તો લોકોને સાચી રાહત મળી હોત, ખીણ યોગ્ય રીતે વિક્સિત હોત