BIG NEWS / ગૃહમંત્રી અમિત શાહનું મોટું નિવેદન: મને ગુજરાતી કરતાં હિન્દી ભાષા વધુ પ્રિય, મારા મંત્રાલયની કોઈ ફાઇલ ઈંગ્લિશમાં નથી

• વારાણસીમાં અમિત શાહનું મોટું નિવેદન 
• રાજભાષાનાં સન્માનમાં આપ્યું મોટું નિવેદન 
• કહ્યું ગુજરાતી કરતાં હિન્દી ભાષા પ્રિય છે 

ગુજરાતી કરતાં વધારે હિન્દી પસંદ છે 
વારાણસીમાં હસ્તકલા સંકૂલમાં અખિલ ભારતીય રાજભાષા સંમેલનમાં ગૃહમંત્રી અમિત શાહે આજે સંબોધન  કર્યું હતું જેમા ભાષાને લઈને તેમણે મોટા નિવેદનો આપ્યા હતા. અમિત શાહે આજે આખા દેશને આહવાહન કરતાં કહ્યું કે દેશના બધા લોકો પોતાની સ્વભાષા માટે લક્ષ્ય બનાવે અને તેને જીવનનો હિસ્સો બનાવે. હિન્દી અને સ્થાનિક ભાષા અને બોલીમાં કોઈ જ અંતર નથી અને વિરોધ નથી. અમિત શાહે આ કાર્યક્રમમાં મોટું નિવેદન આપતા કહ્યું કે મને ગુજરાતી કરતાં વધારે હિન્દી ભાષા ગમે છે, આપણે પોતાની રાજભાષાને મજબૂત કરવાની જરૂર છે. 

वाराणसी में 'अखिल भारतीय राजभाषा सम्मेलन' को संबोधित करते हुए। https://t.co/P1zdgjuTfw

— Amit Shah (@AmitShah) November 13, 2021

ભાષા પર વિવાદો ઊભા કરાતા હતા તે સમય ગયો 
ગૃહમંત્રીએ કહ્યું કે પહેલા હિન્દી ભાષાને લઈને બહુ જ વિવાદો ઊભા કરવામાં આવતા હતા પણ હવે તે સમય સમાપ્ત થઈ ગયો છે. પીએમ મોદી ગૌરવની સાથે આપણી ભાષાઓને વિશ્વભરમાં પ્રસ્થાપિત કરી રહ્યા છે. 

ભાષાનું મહત્વ સમજાવતા ગૃહમંત્રી અમિત શાહ 
ગૃહમંત્રીએ આગળ કહ્યું કે જે દેશ પોતાની ભાષાને ગુમાવી દે છે તે દેશ પોતાની સભ્યતા, સંસ્કૃતિને ગુમાવી દે છે. દુનિયાની સૌથી વધારે બોલી ભારતમા છે. ભાષા જેટલી સશક્ત હશે સંસ્કૃતિ એટલી જ મજબૂત થતી જશે. અમિત શાહે કહ્યું કે હું ગૌરવની સાથે કહું છું કે આજે ગૃહમંત્રાલયની એક પણ ફાઇલ એવી નથી જે અંગ્રેજીમાં લખાતી હોય. અમે સંપૂર્ણપણે રાજભાષાને સ્વીકાર કરી છે અને આગામી સમયમાં ઘણા બધા વિભાગમાં આ કામ કરીશું.