વેજલપુર બાદ ગૃહમંત્રી અમિત શાહ ગોતાનાં શુકન ફ્લેટનાં ધાબા પર ચડી પતંગ ચગાવતાં નજરે પડ્યાં હતાં. તેમની સાથે સીએમ ભૂપેન્દ્ર પટેલ અને પાર્ટીનાં કાર્યકરો પણ પતંગોત્સવની મોજ માણતાં નજરે પડ્યાં હતાં.
ગોતામાં અમિત શાહે ઉડાવ્યો પતંગ
સીએમ ભુપેન્દ્ર પટેલ પણ રહ્યા હાજર
કાર્યકર્તાઓ સાથે પતંગ ચડાવી કરી ઉજવણી
ગોતાના શુકન ફ્લેટના ધાબા પર ચડાવી પતંગ
અમદાવાદ : કેન્દ્રીય ગૃહમંત્રી અમિત શાહ બે દિવસ ગુજરાતના પ્રવાસે છે. ત્યારે કેન્દ્રીય ગૃહમંત્રી અમિત શાહે અમદાવાદમાં આજે જગન્નાથજીના મંદિરે જઇને ભગવાનના દર્શન કર્યા હતા. આ સાથે વેજલપુરમાં અમિત શાહે પતંગને પેચ લડાવી ખેંચીને પતંગ કાપ્યો હતો. વેજલપુરમાં ઊંધીયું-પુરી જમ્યા બાદ તેઓ સહપરિવાર ગોતામાં પહોંચી અને પેચ લડાવી રહ્યાં હતાં. ગોતાનાં શુકન ફ્લેટનાં ધાબા પર ચડીને અમિત શાહ પતંગોત્સવની મોજ માણતાં નજરે પડ્યાં હતાં. CM ભૂપેન્દ્ર પટેલ પણ તેમની સાથે હાજર રહ્યાં હતાં. ન માત્ર અમિત શાહ પરંતુ પાર્ટીનાં અન્ય કાર્યકરો પણ ધાબે ચડી પતંગ ચગાવી રહ્યાં હતાં.
વેજલપુરના ધારાસભ્ય અમિત ઠાકર સાથે હતા ઉપસ્થિત
સમગ્ર રાજ્યભરમાં ઉત્તરાયણ પર્વની ધામધૂમથી ઉજવણી કરવામાં આવી રહી છે. ત્યારે આજે મુખ્યમંત્રી ભૂપેન્દ્ર પટેલે પણ અમદાવાદમાં ઉત્તરાયણની ઉત્સાહભેર ઉજવણી કરી હતી. અમદાવાદની પોળમાં પતંગ ચગાવીને CMએ ઉત્તરાયણની ઉજવણી કરી. શહેરના દરિયાપુર વિસ્તારમાં નવા તળીયાની પોળમાં ભૂપેન્દ્ર પટેલે ઉત્તરાયણ મનાવી. CMએ પતંગ ચગાવીને સ્થાનિકોનો પણ ઉત્સાહ વધાર્યો હતો. ગૃહમંત્રી શાહે ખેંચીને પતંગ કાપતા કાર્યકરો આવી ગયા મોજમાં, લગાવ્યા જય શ્રીરામના નારા, ધાબે બેસીને ઊંધિયું પણ ખાધું હતું. પત્નીએ ફીરકી પકડી અને પ્રેમથી કહ્યું, હાથમાં પટ્ટી લગાવો
અમિત શાહે ખેંચીને કાપ્યો પતંગ
આ સાથે ધાબા ઉપર ઉડી-ઊડી પતંગ જેવા ગીતો DJમાં વાગતા હતા. મહતનું છે કે, વેજલપુરના ધારાસભ્ય અમિત ઠાકર પણ ઉપસ્થિત હતા. આ દરમ્યાન અમિત શાહની પત્નીએ ટકોર કરી હતી કે, પટ્ટી લગાવી પતંગ ઉડાવો.
અમિત શાહની કાર્યકરો સાથે ઉજવણી
મહત્વનું છે કે, આજેસહપરિવાર સાથે અમિત શાહે જગન્નાથ મંદિરે ભગવાનના દર્શન કર્યા. અમિત શાહે મંદિરની ગૌશાળામાં ગાય માતાની પણ પૂજા કરી હતી. આ સિવાય આજે ઉત્તરાયણના પર્વ નિમિત્તે અમિત શાહ ગાંધીનગર અને અમદાવાદના કાર્યકર્તાઓ સાથે ઉત્તરાયણની પણ ઉજવણી કરશે.
ગૃહમંત્રી અમિત શાહે વેજલપુરની વીનસ પાર્કલેન્ડ સોસાયટીમાં ઉત્તરાયણની ઉજવણી કરી આસપાસના લોકોનો ઉત્સાહ વધાર્યો હતો. જ્યાં તેઓએ તલ-ચીકી અને ઉંધીયા-જલેબીનો સ્વાદ માણ્યો હતો.
મુખ્યમંત્રી ભૂપેન્દ્ર પટેલે પણ કરી ઉજવણી
મુખ્યમંત્રી ભૂપેન્દ્ર પટેલે કહ્યું, ઉત્તરાયણનું મહાપર્વ અને મહાપર્વ હરહંમેશ હર્ષ અને ઉલ્લાસ સાથે ઉત્તરાયણ પર્વ ગુજરાત અને આખા દેશભરમાં અને હવે તો માનનીય નરેન્દ્રભાઇએ જે પતંગોત્સવ શરૂ કરીને દેશ અને વિદેશમાં પણ આ પતંગોત્સવ શરૂ થયો છે ત્યારે આ તહેવાર હર્ષ અને ઉલ્લાસ સાથે શાંતિપૂર્ણ માહોલમાં ઉજવાઇ રહ્યો છે અને આજ પ્રમાણે દરેકે દરેક જણ ઉત્સાહથી આ તહેવાર ઉજવે. પરંતુ કોઇ પણ નાની ભૂલ કે કોઇ જીવ માટે અથવા તો પોતાના માટે જીવલેણ ન સાબિત થાય એનું ધ્યાન રાખે એવી મારી અપીલ.'