તમારા કામનું / હોમ લોન લેતી વખતે સાથે રાખો આ ડોક્યુમેન્ટ, ક્યારેય નહીં થાય રિજેક્ટ 

• હોમ લોન માટેના જરુરી દસ્તાવેજોની ચેકલિસ્ટ
• પગારદાર અને બિઝનસમેન અરજદારો માટેના જરુરી દસ્તાવેજો 
• લોન મેળવવા માટેના જરુરી દસ્તાવેજો

RBIની તાજેતરની નાણાકીય નીતિ સમીક્ષામાં નીતિગત દરમાં કોઈ ફેરફાર કરવામાં આવ્યો નથી. તેથી હવે થોડા સમય માટે હોમ લોનના વ્યાજદરમાં વધારો થવાનો નથી. હોમ લોન આપતી દિગ્ગજ કંપનીઓ 7 ટકા કરતા ઓછા દરે લોન આપી રહી છે. તેમાં SBI (6.70,%), BOB (6.75%) ICICI બેંક (6.75%) , કોટક મહિન્દ્રા બેંક (6.65%)નો સમાવેશ થાય છે. હોમ લોન માટેના ઓછા વ્યાજદર એવા લોકો માટે મોટી આશાની કિરણ છે જેઓ લાંબા સમયથી તેમના સપનાનું ઘર ખરીદવા ઈચ્છે છે. લોન એપ્લાય કરતા પહેલા તમારે કેટલાક જરૂરી દસ્તાવેજો ભેગા કરી લેવા જોઈએ. જે નીચે પ્રમાણે છે.

હોમ લોન માટેના દસ્તાવેજોની ચેકલિસ્ટ
હોમ લોન ક્યાંથી લેવી તે નક્કી કર્યા પછી, અરજી ફોર્મ સાવચેતીથી ભરો. ખાતરી કરો કે કોઈ પણ કોલમ ખાલી રહે નહીં. કારણ કે તેના લીધે તમારા દસ્તાવેજોના વેરીફીકેશનમાં સમસ્યા આવી શકે છે. તમારી પાસે પાસપોર્ટ સાઇઝની તસ્વીરો પુરતા પ્રમાણમાં હોવી જોઈએ. જેની જરૂરીયાત એપ્લિકેશનના વિવિધ તબક્કે પડી શકે છે. ઓળખના પુરાવા માટે તમારી પાસે પાન કાર્ડ પાસપોર્ટ, આધાર કાર્ડ, ઇલેક્શન કાર્ડ અને ડ્રાઈવિંગ લાઇસન્સમાંથી કોઈ પણ એક આઈડેન્ટિટી કાર્ડ હોવું જરુરી છે. તમારી ઉંમરના પુરાવા માટે બેંક અથવા ફાઇનાન્સ કંપનીનું કાર્ડ, પાસપોર્ટ, આધાર કાર્ડ, બર્થ સર્ટિફિકેટ, 10માં ધોરણની માર્કશીટ, બેંક પાસબુક અને ડ્રાઇવિંગ લાઇસન્સ જેવા દસ્તાવેજ રજૂ કરવાના રહેશે.   

અરજદારના હાલના રહેઠાણનો પુરાવો પણ જરુરી છે. તેમાં બેંક પાસબુક, ઇલેક્શન કાર્ડ, રાશન કાર્ડ, પાસપોર્ટ, સામાન્ય ઉપયોગ બિલ (ટેલિફોન બિલ, વીજળી બિલ, પાણીનું બિલ, ગેસ બિલ),   LIC પોલિસી રિસીપ્ટ અને અરજદારના સરનામાંની પુષ્ટિ કરતી માન્યતા પ્રાપ્ત જાહેર સત્તાનો પત્ર જેવા દસ્તાવેજોનો સમાવેશ થાય છે.   હોમ લોન અથવા અન્ય કોઈ લોન આપતા પહેલા માન્ય નાણાકીય સંસ્થાઓ અરજદારની આવકની સંપૂર્ણ તપાસ કરે છે. તે ફક્ત નક્કી કરવા માટે છે કે વ્યક્તિ લોન ચૂકવવા માટે સક્ષમ છે કે નહીં. 

પગાદાર અરજદારો માટે 
જો કોઈ   પગારદાર વ્યક્તિએ હોમ લોન લેવી હોય તો તેણે ફોર્મ 16 ભરવાનું રહેશે અને તેની સાથે એમ્પ્લોયર તરફથી પ્રમાણિત પત્ર, છેલ્લા 2 મહિનાની સેલેરી સ્લીપ, પ્રમોશન લેટર અને છેલ્લા 3 વર્ષનો ઇન્કમટેક્સ રીટર્ન સબ્મીટ કરાવવાનો રહેશે. સેલેરીડ વ્યક્તિની આવકના પુરાવા ઉપરાંત તેમને કેટલાક રોકાણ પુરાવા પણ રજૂ કરવાના રહેશે, જેમ કે ટર્મ ડિપોઝિટ એટલે કે, એફડી, શેર, વગેરે. 

જે અરજદારો પોતાનો વ્યવસાય ચલાવે છે. તેણે હોનમ લેવા માટે છેલ્લા 3 વર્ષનો ઈનકમ ટેક્સ રીટર્ન (ITR), કંપની / ફાર્મની બેલેન્સશીટ અને નફો-ખોટ ખાતું નિવેદન (સીએ દ્વારા યોગ્ય રીતે પ્રમાણિત), વ્યાપાર લાઇસન્સ વિગતો અથવા કોઈપણ અન્ય ઓથેન્ટીક દસ્તાવેજો, વ્યવસાયિક પ્રેક્ટિસનું લાઇસન્સ, સ્થાપનાની નોંધણીનું પ્રમાણપત્ર (દુકાનો, કારખાનાઓ અને અન્ય સંસ્થાઓ માટે), વ્યવસાય સરનામાનો પુરાવો અને સંપત્તિ દસ્તાવેજોની જરુરી છે. હોમ લોન એપ્લિકેશન કરતી વખતે હંમેશાં સંપત્તિના દસ્તાવેજોની યોગ્ય રીતે તપાસ કરવાનું યાદ રાખો. અરજદારને હોમ લોન તરીકે આપવામાં આવતી રકમના અંતિમ ઉપયોગની આકારણીના મુખ્ય પરિબળ તરીકે તેમને ઋણદાતા સમક્ષ રજૂ કરવાની જરૂર છે. 

લોન મેળવવા માટેના જરુરી મિલકતના દસ્તાવેજો
હોમ લોન મેળવવા માટે અરજદારને જરુરી દસ્તાવેજો સબમિટ કરવાના રહેશે. જેમકે NOC, ઘરના બાંધકામની કિંમતનો વિગતવાર હિસાબ, રજિસ્ટર્ડ સેલ ડીડ, એલોટમેન્ટ લેટર અથવા બિલ્ડર સાથે વેચાણનું સ્ટેમ્પ અગ્રીમેંટ, ઑક્યૂપેંસી સર્ટિફિકેટ, પ્રોપર્ટી ટેક્સ બિલ, મેન્ટેનેન્સ બિલ, ઈલેક્ટ્રિસિટી બિલ, અગાઉથી ફ્લેટ ખરીદવા માટેની પમેન્ટ રિસીપ્ટ, મકાન યોજનાની મંજૂરીની કોપી, ધ રિવેન્યુ ઓથોરીટી દ્વારા જાહેર કરાયેલી લેન્ડ ટેક્સની પમેન્ટ રિસીપ્ટ  અને કબજો પ્રમાણપત્રની મૂળ નકલ અને   બેંક ખાતુંનું નિવેદન દર્શાવતી બિલ્ડર અથવા વેચનારને કરાયેલ પેમેન્ટ રિસીપ્ટ.