અમરેલીમાં ચૂંટણી બંદોબસ્તમાં જતા હોમગાર્ડ જવાનો દારૂનો નશો કરતો વીડિયો સામે આવતા સવાલો ઊભા થયા છે.
નશો કરતા હોમગાર્ડ જવાનોનો વીડિયો થયો વાયરલ
ચાલુ બસમાં દારૂની મહેફિલ માણતા નજરે પડ્યા જવાનો
વીડિયોમાં દેખાતા જવાનો અમદાવાદના હોવાની ચર્ચા
દારૂબંધીના અમલની જેના માથે જવાબદારી તેવી ગુજરાત પોલીસ જ આ દારૂના દૂષણમાં ફસાયેલી હોય તો બીજાનું શું કહેવું? તેવામાં પોલીસની આબરુને ધૂળધાણી કરતો વિડીયો વાયરલ થયો છે. જેમાં અમરેલીમાં ચૂંટણી બંદોબસ્તમાં જતા હોમગાર્ડ જવાનો દારૂનો નશો કરતા હોવાનું સામે આવતા દારૂબંધી અને પોલીસની કામગીરી સામે સવાલો ઊભા થયા છે. બીજી બાજુ આ ઘટનાને જોતા રાજ્યમાં દારૂબંધીનાં લીરેલીરા ખુદ પોલીસ ઉડાવી રહી હોવાનો ઘાટ સર્જાયો છે.