રાજ્યના ગૃહમંત્રી હર્ષ સંઘવીની અધ્યક્ષતામાં યોજાયેલી બેઠકમાં પહોંચતા પહેલા પેપરલીક અંગે VTVના પત્રકારે સવાલો પૂછાતા અસિત વોરાએ મૌન સેવ્યું હતું.મહત્વનું છે કે, આ બેઠક પહેલા પેપરલીક પર કંઈ પણ કહેવાનો ઈન્કાર કર્યો હતો. તેમજ પત્રકારો દ્વારા પુછવામાં આવેલા સવાલો જવાબ આપ્યા વગર જ લીફ્ટની જગ્યાએ સિડી દ્વારા જ બેઠકમાં પહોચી ગયાં હતાં.
પેપરલીક અંગે ગૃહમંત્રી હર્ષ સંઘવીની બેઠક બોલાવી હતી.
ઉલ્લેખનીય છે કે, ગુજરાત ગૌણ સેવા પસંદગી મંડળ દ્વારા લેવાતી લેખિત પરીક્ષાઓમાં અવારનવાર પેપર લીક થવાની ફરિયાદો ઉભી થતી રહી છે. ત્યારે પેપરલીકના આરોપો વચ્ચે રાજ્યનું ગૃહમંત્રાલય એક્શન મોડમાં આવી ગયું છે. આજે ગાંધીનગર ખાતે રાજ્યના ગૃહમંત્રી હર્ષ સંઘવીની અધ્યક્ષતામાં એક બેઠક યોજાઈ હતી.આ બેઠકમાં ગૌણ સેવા પસંદગી બોર્ડના ચેરમેન અસિત વોરા સહિતના અધિકારીઓ હાજર રહ્યાં હતાં.
પેપર લીક મામલે સળગતા સવાલ
-અસિત વોરા મીડિયાના સવાલોનો જવાબ કેમ નથી આપતા?
-જવાબદારીમાંથી છટકવાનો પ્રયાસ કેમ?
-પેપરલીકની તપાસ કેટલે પહોંચે તેનો જવાબ તો આપો?
-ક્યાં સુધી પેપરલીકના મામલાઓ સામે આવતા રહેશે?
-ઉમેદવારો દિવસ-રાત મહેનત કરે છે અને તમારી બેદરકારીના કારણે પેપરલીક થાય છે
-ક્યાં સુધી ઉમેદવારોના ભાવિ સાથે આવી ચેડાં થતી રહેશે?
-પરીક્ષા કોઈ પણ હોય હંમેશા જવાબદારીમાંથી છટકવાનો પ્રયાસ જ કેમ?