હોલિવૂડ સુપરસ્ટાર માર્ક બ્લમનું 69 વર્ષની ઉંમરે કોરોના વાયરસને કારણે નિધન થઈ ગયું છે. એક ન્યૂઝ રિપોર્ટમાં માર્કની પત્ની જેનેટ જેરિશે એ ઈમેલ દ્વારા તેમના નિધનના સમાચારની પુષ્ટિ કરી છે. જેનેટે જણાવ્યું, મારા પતિને કોરોના વાયરસનો ચેપ લાગ્યા બાદ આવેલાં કોમ્પ્લિકેશન્સને કારણે તેમણે દુનિયાને અલવિદા કહી દીધું છે. રિપોર્ટ્સ મુજબ માર્કે ન્યૂયોર્કના એક હોસ્પિટલમાં છેલ્લા શ્વાસ લીધા હતા.
SAG-AFTRAના એગ્ઝીક્યૂટિવ વાઈસ પ્રેસીડન્ટ રેબેકા ડેમને પણ ટ્વિટર પર માર્કના નિધનની વાતની પુષ્ટિ કરી છએ. ડેમને કહ્યું, બહુ જ દુઃખ સાથે જણાવું છુ કે, અમારા મિત્ર અને બોર્ડના પૂર્વ મેમ્બર માર્ક બ્લમનું કોરોના વાયરસના સંક્રમણથી નિધન થઈ ગયું છે. માર્ક એક ડેડિકેટેડ એક્ટર હતા અને 2007થી લઈને 2013 સુધી તેઓ અમારી સાથે જ રહ્યાં છે. તેમણે થાક્યા વિના હમેશાં પૂરજોશમાં કામ કર્યું છે અને તેઓ એક કમાલના એડવોકેટ પણ હતા.
ડેમને કહ્યું કે, તેઓ માર્કના જટિલ અને સ્પષ્ટ દ્રષ્ટિકોણના બહુ મોટા ફેન હતા. તેમણે અમારી કોમ્યુનિટીના લોકોને જાગરૂક અને માહિતગાાર કર્યા છે. માર્ક સ્માર્ટ, ફની હતા અને ખૂબ જ સારાં કલાકાર પણ હતા. માર્ક તમે હમેશાં યાદ આવશો. તમને જણાવી દઈએ કે, માર્ક ન્યૂયોર્ક થિયેટર કોમ્યુનિટીના ઉત્થાન માટે ઘણું બધું કર્યું. જૂનિયર આર્ટિસ્ટે તેમની પાસેથી ઘણું બધું શીખ્યું છે અને સિનેમા જગતમાં તેમનું યોગદાન અતુલ્ય છે.
With love and heavy hearts, Playwrights Horizons pays tribute to Mark Blum, a dear longtime friend and a consummate artist who passed this week. Thank you, Mark, for all you brought to our theater, and to theaters and audiences across the world. We will miss you. pic.twitter.com/NMVZFB5hPb
માર્ક થિયેટર અમે સિનેમામાં તેમના અતુલ્ય કામ માટે જાણીતા હતા. તેમણે છેલ્લે નેટફ્લિક્સની સૌથી ચર્ચિત વેબ સીરિઝ YOUમાં મહત્વનો રોલ નિભાવ્યો હતો. આ સીરિઝ ખૂબ જ લોકપ્રિય છે. તેની બે સીઝન અત્યાર સુધી રિલીઝ થઈ ચૂકી છે અને હવે દર્શકો તેની ત્રીજી સીઝનની આતુરતાથી રાહ જોઈ રહ્યાં છે.