હોલિવૂડ એક્ટર ટોમ ક્રૂઝ દુનિયાનાં સૌથી ગુડલુકિંગ સ્ટાર્સમાંથી એક ગણાય છે. ટોમ ક્રૂઝની એક પબ્લિક અપિયરન્સ દુનિયાભરમાં તેનાં ચાહકોનો દિવસ બનાવી દે છે. ત્યારે હાલની તસવીરોમાં તેને ઓળખવો મુશ્કેલ થયો. જોઈ લો.
ટોમ ક્રૂઝ દુનિયાનાં સૌથી ગુડલુકિંગ સ્ટાર્સમાંથી એક ગણાય છે
હાલની તસવીરોમાં ટોમ ક્રૂઝને ઓળખવામાં થઈ મુશ્કેલી
ટોમ ક્રૂઝ તસવીરોમાં સાવ અલગ દેખાઈ રહ્યો છે
અભિનેતા હાલમાં જ સાન ફ્રાન્સિસ્કોમાં બેઝબોલ ગેમ જોવા આવ્યો હતો. આ ઈવેન્ટની તસવીરો સોશિયલ મીડિયા પર વાયરલ થઈ રહી છે, પરંતુ તેનું કારણ કંઈક બીજું છે. હકીકતમાં આ તસવીરો જોઈને ચાહકો વિશ્વાસ નથી કરી શકી રહ્યાં કે આ ટોમ ક્રૂઝ છે. તે આ તસવીરોમાં સાવ અલગ દેખાઈ રહ્યો છે.
ટોમ ક્રૂઝને જોઇને લાગે છે કે તેણે ઘણું વજન વધારી દીધું છે. તેનો ચહેરો પહેલાં કરતા ભારે દેખાઈ રહ્યો છે. યૂએસમાં હાલમાં જ એક્ટર એક બેઝબોલ ગેમ જોવા પહોંચ્યો હતો. આ દરમિયાન તેણે જેકેટ પહેરી રાખ્યું હતું. ટોમ ક્રૂઝ સ્માઇલ કરતાં મેચ જોઈ રહ્યો હતો અને તેની તસવીરો સોશિયલ મીડિયા પર વાયરલ થઇ રહી છે. તમને જણાવી દઇએ કે, ટોમ ક્રૂઝ જલ્દી જ ફિલ્મ 'મિશન ઇમ્પોસિબલ 7'માં જોવા મળશે. તે હાલમાં આ ફિલ્મના શૂટિંગમાં વ્યસ્ત છે.
ટોમ ક્રૂઝનાં લૂક્સ અને એક્ટિંગના ફેન્સ દિવાના છે. તેની તસવીરો જોઈ ઘણાં ફેન્સ એવું પણ કહી રહ્યાં છે કે તેણે સર્જરી કરાવી છે તેથી તેનો ચહેરો સોજાયેલો દેખાય છે. તો કેટલાક ફેન્સ કહી રહ્યાં છે કે, આ વ્યક્તિ ટોમ ક્રૂઝનો હમશક્લ તો નથીને. ફેન્સ ટોમ ક્રૂઝને જોઇને જેટલા ઉત્સુક હતા તેટલા જ કન્ફ્યૂઝ પણ હતા.
વર્ક ફ્રન્ટની વાત કરીએ તો, ટોમ ક્રૂઝ જલ્દી જ મિશન ઇમ્પોસિબલ 7માં જોવા મળશે. છેલ્લે તે 'મિશન: ઇમ્પોસિબલ ફોલઆઉટ'માં જોવા મળ્યો હતો. આ ઉપરાંત એક્ટરની પાસે ફિલ્મ 'ટોપ ગન: મેવરિક' પણ છે. જેનું શૂટિંગ જલ્દી જ શરૂ થશે. ટોમ ક્રૂઝની ફિલ્મોની દર્શકો આતુરતાથી રાહ જોવે છે.