હોલીવૂડ એક્ટ્રેસ સુસાન સારંડન શનિવારે ખેડૂત આંદોલનને સમર્થન જાહેર કર્યું છે અને તેણે પ્રદર્શન કરી રહેલા લોકોની સાથે હોવાની પણ વાત કરી છે.
ભારતમાં ખેડૂત આંદોલનનો મામલો ગરમાયો
હોલીવૂડ એક્ટ્રેસ સુસાન સારંડન ખેડૂતોનું કર્યું સમર્થન
ટ્વીટ કરીને કહ્યું- હું ભારતમાં ખેડૂતોની સાથે
ઉલ્લેખનીય છે કે, પોપ સ્ટાર રિહાનાના એક ટ્વિટ બાદ અનેક વૈશ્વિક હસ્તીઓ, કાર્યકરો અને નેતાઓએ વિરોધ કરી રહેલા ખેડૂતોને ટેકો આપ્યો છે. અભિનેત્રી સુસાન સારંડને ન્યુ યોર્ક ટાઇમ્સના એક રિપોર્ટને ટ્વિટર પર શેર કર્યો, જેના શીર્ષક પર, "ભારતમાં ખેડુતો વિરોધ કેમ કરી રહ્યા છે?"
ટ્વીટ કરીને કહ્યું કે- હું ભારતમાં ખેડૂત આંદોલન સાથે ઉભી છું
સુસાન સારંડને લખ્યું, "હું ભારતમાં ખેડૂત આંદોલન સાથે ઉભી છું. વાંચો તેઓ કોણ છે અને શા માટે તેઓ વિરોધ કરી રહ્યા છે." સ્વીડિશ આબોહવા કાર્યકર ગ્રેટા થનબર્ગ, અમેરિકન વકીલ અને યુએસ વાઇસ પ્રેસિડેન્ટ કમલા હેરિસની ભત્રીજી મીના હેરિસ, અભિનેત્રી અમાન્દા સેર્ની, ગાયક જય સીન, ડો. જ્યુસ અને પોર્ન ફિલ્મોમાં પહેલા કામ કરીતી અભિનેત્રી મિયા ખલિફાએ પણ વિરોધ કરી રહેલા ખેડૂતોને ટેકો આપ્યો છે.
ખેડૂત આંદોલનના અપડેટ વિશે વાત કરીએ તો કેન્દ્રના કૃષિ કાયદા સામે ખેડૂતોના ચક્કા જામની અસર દેશભરમાં જોવા મળી હતી. માત્ર પંજાબ, હરિયાણા, રાજસ્થાન જ નહીં, પણ તમિળનાડુ, કર્ણાટક અને તેલંગાણામાં પણ, તેમને ટેકો આપતા ખેડુતો અને સંગઠનોએ હાઈવેને અવરોધિત કર્યો અને બતાવ્યું કે ખેડુતોનો વિરોધ માત્ર એક કે બે રાજ્યો સુધી મર્યાદિત નથી. ખેડૂતોનો આ વિરોધ સંપૂર્ણ શાંતિપૂર્ણ રહ્યો.