તમારા કામનું / વર્ષ 2022માં કેટલા દિવસ મળશે રજાઓ? શનિ-રવિમાં આવે છે આટલા Holidays, કુલ 12 રજાઓનું થશે નુકસાન

• આવી ગયું વર્ષ 2022નું હોલી ડે લિસ્ટ 
• જાણો કયા કયા દિવસે મળશે રજાઓ 
• કેટલા દિવસની રજાઓનું થશે નુકસાન 

નવું વર્ષ શરૂ થવાને હવે ફક્ત સવા મહિના જેટલો સમય બાકી છે. દરેકને આશા છે કે વર્ષ 2022 પોતાની સાથે ખુશીઓ લાવવાની સાથે સાથે એક ખરાબ સમયનો પણ અંત લઈને આવે. રજાઓમાં માટે પણ 2022 ખુબ જ ખાસ રહેવાનું છે. 2021ની જેમ જ 2022માં પણ કુલ  42 સરકારી રજાઓ રહેશે. આ રજાઓ કઈ કઈ છે? કયા દિવસે અને કઈ કઈ તારીખોએ રજા છે. આવો તમને જણાવીએ. 

વર્ષ 2022માં 18 ગેજેટેડ હોલી ડે રહશે. જ્યારે બાકી રિસ્ટ્રિક્ટેડ હોલી ડે રહેશે. રિસ્ટ્રેક્ટેડ હોલી ડે એ રજાઓ હોય છે જેમાં સંસ્થા અથવા કોઈ કંપનીના માલિક ઈચ્છે તો કર્મચારીઓને ઓફિસ બોલાવી શકે છે. પરંતુ સામાન્ય રીતે આ દિવસે કાર્યાલય બંધ રહે છે. જેવા કે નવું વર્ષ, વસંત પંચમી, લોહડી, જન્માષ્ટમી, રક્ષા બંધન અથવા ગુરુ નાનક જયંતી દરેક રિસ્ટ્રિક્ટેડ હોલીડેની શ્રેણીમાં આવે છે. 

2022માં કઈ કઈ તારીખો પર રજાઓ હશે 
જાન્યુઆરી-ફેબ્રુઆરીમાં રજાઓ 
1 જાન્યુઆરી (નવું વર્ષ), 14 જાન્યુઆરી (મકરસંક્રાંતિ), 14 જાન્યુઆરી (પોંગલ), 26 જાન્યુઆરી (પ્રજાસત્તાક દિવસ), 5 ફેબ્રુઆરી (વસંત પંચમી), 15 ફેબ્રુઆરી (હઝરત અલીનો જન્મદિવસ), 16 ફેબ્રુઆરી (ગુરુ રવિદાસ જયંતિ), 26 ફેબ્રુઆરી (મહર્ષિ દયાનંદ સરસ્વતી જયંતિ) અને 28 ફેબ્રુઆરી (મહાશિવરાત્રી).

માર્ચ-એપ્રિલમાં રજાઓ
17 માર્ચ (હોલિકા દહન), 18 માર્ચ (ડોલીયાત્રા), 20 માર્ચ (શિવાજી જયંતિ), 20 માર્ચ (પારસી નવું વર્ષ), 1 એપ્રિલ (ચૈત્ર સુખલાદી), 13 એપ્રિલ (બૈસાખી), 14 એપ્રિલ ( મહાવીર જયંતિ), 15 એપ્રિલ (ગુડ ફ્રાઇડે), 17 એપ્રિલ (ઇસ્ટર) અને 29 એપ્રિલ (જમાત ઉલ વિદા).'

મે થી ઓગસ્ટ સુધીની રજાઓ
7મી મે (રવીન્દ્રનાથ જન્મદિવસ), 15મી મે (બુદ્ધ પૂર્ણિમા), 30મી જૂન (રથયાત્રા), 30મી જુલાઈ (મોહરમ-આશુરા), 11મી ઓગસ્ટ (રક્ષા બંધન), 15મી ઓગસ્ટ (સ્વતંત્રતા દિવસ), 18મી ઓગસ્ટ (જન્માષ્ટમી) અને 30મી ઓગસ્ટ (ગણેશ ચતુર્થી-વિનાયક ચતુર્થી).

સપ્ટેમ્બરથી ડિસેમ્બર સુધીની રજાઓ
7 સપ્ટેમ્બર (ઓણમ), 2 ઓક્ટોબર (મહાત્મા ગાંધી જયંતિ), 4 ઓક્ટોબર (દશેરા), 8 ઓક્ટોબર (મિલાદ ઉન-નબી), 9 ઓક્ટોબર (મહર્ષિ વાલ્મિકી જયંતિ), 24 ઓક્ટોબર (નરક ચતુર્દશી), 24 ઓક્ટોબર (દીપાવલી), 25 ઓક્ટોબર (ગોવર્ધન પૂજા), 26 ઓક્ટોબર (ભાઈ બીજ), 30 ઓક્ટોબર (છઠ પૂજા), 24 નવેમ્બર (ગુરુ તેગ બહાદુર શહીદી દિવસ) અને 25 ડિસેમ્બર (ક્રિસમસ ડે).

શનિવાર-રવિવારના દિવસે આવી રહી છે આ રજાઓ 
શનિવાર-રવિવારના દિવસે જો કોઈ તહેવાર આવે છે તો તમારી એક રજા બરબાદ થઈ જાય છે. આજ તહેવાર જો કોઈ અન્ય વારે આવે તો તમને અઠવાડિયામાં તે તહેવારની રજા અને શનિવાર-રવિવાર એમ બન્ને રજાઓનો લાભ મળે છે. 2022ના કેલેન્ડર પર નજર કરીએ તો આ વખતે ઘણી રજાઓ શનિવાર-રવિવારની રજાઓમાં આવે છે. 

વર્ષ 2022ની શરૂઆત જ શનિવાર અને રવિવારના દિવસથી થઈ રહી છે. એટલે કે શનિવારે નવું વર્ષ આવવાના કારણે એક રજાનું નુકસાન થશે. ફેબ્રુઆરીમાં 5 તારીખે વસંત પંચમી અને 26 ફેબ્રુઆરીએ દયાનંદ સરસ્વતી જયંતી છે. આ બન્ને તારીખો શનિવારે આવવાના કારણે બે રજાઓનું નુકસાન થશે. પછી રવિવારે, 20 માર્ચે શિવાજી જયંતી આવશે. અહીં પણ તમારે એક રજાનું નુકસાન થશે. 17 એપ્રિલે ઈસ્ટર છે અને આ દિવસે પણ રવિવાર આવે છે. ત્યા બાદ 15મેએ ગુડ ફ્રાઈડે છે અને આ દિવસે પણ રવિવાર આવે છે. શનિવારે 30 જુલાઈએ મોહરમ આવે છે ત્યાં પણ તમને એક રજાનું નુકસાન થઈ શકે છે. 

ત્યાર બાદ ઓક્ટોબરમાં સતત ચાર રજાઓનું નુકસાન પણ થવાનું છે. કારણ કે 2 ઓક્ટોબર (મહાત્માગાંધી જયંતી), 9 ઓક્ટોબર (મહર્ષિ વાલ્મિકી જયંતી) અને 30 ઓક્ટોબર (છઠ પૂજા) છે અને આ દરેક તહેવાર શનિવારે આવે છે. જ્યારે 8 ઓક્ટોબરે મિલાદ ઉન-નબી છે અને આ દિવસે રવિવાર આવે છે. વર્ષના છેલ્લા મહિના ડિસેમ્બરમાં પણ એક રજા ખરાબ થઈ જશે. રવિવારે, 24 ડિસેમ્બરે ક્રિસમસની રજાઓ રહેશે. આ રીતે આખા વર્ષમાં કુલ 12 રજાઓનું નુકસાન થશે.