સરકારની કર્મચારીઓને હોળીની ગિફ્ટ મળશે સાતમા પગારપંચનો લાભ

ગાંધીનગર: રાજ્યના સરકારી કર્મચારીઓને સરકારે હોળીના તહેવાર પર ભેટ આપી છે. નાયબ મુખ્યમંત્રી નીતિન પટેલે ગૃહમાં સાતમા પગાર પંચના તફાવતના લાભ આપવાની જાહેરાત કરી છે. જેમાં રાજ્ય સરકાર સરકારી કર્મચારીઓ અને પેન્શનરોને સાતમા પગારપંચના તફાવતના લાભો 3 હપ્તામાં રોકડમાં ચૂકવશે. 

રાજ્ય સરકારને આનાથી 3 હજાર 279 કરોડથી વધુ વધારાનું ભારણ પડશે. જેમાં સરકાર માર્ચ મે અને જુલાઈ એમ ત્રણ મહિનામાં રોકડેથી હપ્તા આપશે. સરકારની આ જાહેરાતથી રાજ્યના 4 લાખ 65 હજાર સરકારી કર્મચારીઓ અને 4 લાખ 12 હજાર પેન્શનરોને લાભ થશે.  

નાયબ મૂખ્યમંત્રી અને નાણાંમંત્રી શ્રી નીતિનભાઈ પટેલે કરી ગૃહમાં જાહેરાત

• રાજય સરકારના કર્મચારીઓ અને પેન્શનરોને સાતમા પગારપંચના તફાવતના લાભો ત્રણ હપ્તામાં રોકડ માં ચૂકવાશે. જેના કારણે રાજય સરકારને રૂ.૩૨૭૯.૭૯ કરોડનું વધારાનુ ભારણ પડશે. 
• કર્મચારીઓને તા.૧ ૧ ૨૦૧૬ થી તા.૩૦ ૯ ૨૦૧૬ સુધીના સાત માસ અને પેન્શનરોને તા.૧ ૧ ૨૦૧૬ થી તા.૩૦ ૯ ૨૦૧૬ના નવ માસના તફાવતની રકમ ચૂકવાશે.
• પ્રથમ હપ્તો માર્ચ માસમા બીજો હપ્તો મે માસમા ત્રીજો હપ્તો જુલાઈ માસમા ચૂકવાશે.
• રાજયના ૪.૬૫ લાખ કર્મચારીઓ અને ૪.૧૨ લાખ પેન્શનરોને લાભ.
• સરકાર પગાર પેટે 2258.34 કરોડ ચૂકવશે.
• સાત મહિનાની તફાવત રકમ સરકાર ચૂકવશે.
• પેંશનરોને 9 મહિનાની તફાવત રકમ ચૂકવશે.
• કુલ 3279.79 કરોડની તફાવત રકમ ચૂકવાશે.
• તફાવતની રકમ 3 હપ્તામાં રોકડથી ચૂકવાશે.
• માર્ચ મે જુલાઈ મહિનામાં ચૂકવાશે ત્રણ હપ્તામાં તફાવત રકમ.
• 4.65 લાખ કર્મચારીઓ અને 4.12 લાખ પેન્શનરોને ફાયદો થશે.