આજે શેરબજારમાં હોળીની અસર જોવા મળી હોય એવું લાગે છે. સેન્સેક્સ એક હજાર પોઈન્ટ ઉછળ્યો હતો અને નિફ્ટી પણ 287 પોઈન્ટ જેટલો ઉછળ્યો હતો.
આજે શેરબજારમાં હોળી
સેન્સેક્સ નિફ્ટી બંને લીલા નિશાન પર
સેન્સેક્સ એક હજાર પોઈન્ટ ઉછળ્યો
આજે પોઝિટિવ વૈશ્વિક સંકેતો વચ્ચે સપ્તાહના ચોથા ટ્રેડિંગ દિવસે શેરબજારમાં હોળી જોવા મળી હતી. હોલિકા દહનના દિવસે બજારના બંને સૂચકાંક લીલા નિશાન પર ખુલ્યા હતા.
BSE અને NSE બંને ઉછાળા સાથે ખૂલ્યા
બોમ્બે સ્ટોક એક્સચેન્જનો 30 શેરો ધરાવતો સેન્સેક્સ 820 પોઈન્ટ અથવા 1.44 ટકાના ઉછાળા સાથે 57,636 પર ખૂલ્યો હતો, જ્યારે નેશનલ સ્ટોક એક્સચેન્જનો નિફ્ટી 228 પોઈન્ટ અથવા 1.34 ટકાના ઉછાળા સાથે 17203 પર ખુલ્યો હતો. હાલમાં સેન્સેક્સ 950 પોઈન્ટના વધારા સાથે 57,806 ના લેવલે ટ્રેડ કરી રહ્યો છે.
Sensex jumps over 1000 points currently trading at 57,825 points, whereas Nifty is up by 287 points, currently at 17,263 points pic.twitter.com/d9ZIrtoeJS
છેલ્લા કારોબારી દિવસે મજબૂત તેજી હતી
બજાર ખુલતાની સાથે જ લગભગ 1676 શેર વધ્યા છે, 331 શેરમાં ઘટાડો થયો અને 66 શેર યથાવત રહ્યા છે. નોંધનીય છે કે બુધવારે છેલ્લા કારોબારી દિવસે, શેરબજાર લીલા નિશાન પર ખુલ્લું હતું અને દિવસભર લાભ સાથે મજબૂત ગતિ સાથે બંધ થયું હતું.
BSE સેન્સેક્સ ઇન્ડેક્સ 1039 પોઇન્ટ અથવા 1.86 ટકાના વધારા સાથે 56,817 પર બંધ થયો હતો, જ્યારે NSE નિફ્ટી ઇન્ડેક્સ 312 પોઇન્ટ અથવા 1.87 ટકાના વધારા સાથે 16,975 પર બંધ થયો હતો.
માર્કેટ કેપ 260 લાખ કરોડ છે
તેના તમામ 30 શેર લીલા નિશાન પર ટ્રેડ થઈ રહ્યા છે. સૌથી વધુ ફાયદો બેંકિંગ શેરોમાં જોવા મળી રહ્યો છે. આ સાથે BSE પર લિસ્ટેડ કંપનીઓનું માર્કેટ કેપ પણ વધીને 260 લાખ કરોડ રૂપિયા થઈ ગયું છે. છેલ્લા ટ્રેડિંગ દિવસે તે રૂ. 256 લાખ કરોડ હતો. એટલે કે આજની તેજીના કારણે રોકાણકારોની સંપત્તિમાં 4 લાખ કરોડ રૂપિયાનો વધારો થયો છે. માત્ર બે દિવસમાં માર્કેટ કેપમાં રૂ. 8 લાખ કરોડનો વધારો થયો છે.
HDFC સહિતના આ શેરોમાં વધારો
આજે વધી રહેલા મુખ્ય શેરોમાં HDFC, AXIS બેન્ક, બજાજ ફાઇનાન્સ, અલ્ટ્રાટેક સિમેન્ટ, ADFC બેન્ક, એશિયન પેઈન્ટ્સ, કોટક બેન્ક, ICICI બેન્ક 2 થી 3 ટકા સુધીના વધારા સાથે છે. આની સાથે SBI, IndusInd Bank, Hindustan Unilever, Bajaj Finserv, Titan, Wipro, Tata Steel, Maruti, Larsen & Toubro, TCS, Tech Mahindra અને Infosysના શેરમાં પણ વધારો જોવા મળી રહ્યો છે.