રંગાઈ જાને રંગમાં.. / ગુજરાતના મંદિરોમાં રંગોત્સવ: જુઓ સાળંગપુર, દ્વારકા,શામળાજી અને ઈસ્કોન મંદિરની ધૂળેટી ઉજવણીની તસવીરો

• સાળંગપુર મંદિરમાં ભવ્ય રંગોત્સવ
• દ્વારકા મંદિરમાં ફુલડોઉત્સવ
• શામળાજીમાં ભગવનાને કેસુડાંથી રંગાયા

લાખો ભાવિકો નો આસ્થાનું કેન્દ્ર છે એવું બોટાદ જિલ્લાના સાળંગપુર કષ્ટભંજન હનુમાનજી મંદિર ખાતે ધુળેટીના પર્વની ઉજવણી સાથે ભવ્ય રંગોત્સવ ઉજવી અને એક વિશ્વ રેકોર્ડ સર્જાવા તરફ જઈ રહ્યા છે. આ રંગોત્સવ માં હજારો ભાવિકો જોડાયા હતા મોટી સંખ્યામાં ભકતો રાસ ગરબા રમી રંગોત્સવ ઉજવ્યો હતો

2 હજારથી વધુ રંગનો ઉપયોગ કરાયો, 25 હજાર જેટલી ચોકલેટનો કરાશે વરસાદ
બોટાદ જિલ્લાના સારંગપુર ખાતે આવેલા સુપ્રસિદ્ધ એવા લાખો હિંદુઓની આસ્થાનું કેન્દ્ર કષ્ટભંજન સાળંગપુર હનુમાનજી દાદાના મંદિર ખાતે હોળી ધુળેટીના પર્વની ધામધૂમપૂર્વક ઉજવણી કરવામાં આવી જેમાં આજે પૂર્ણિમાના દિવસે ધૂળેટીના પર્વની અનોખી રીતે ઉજવણી કરવામાં આવી હતી. સાળંગપુર હનુમાનજી મંદિર ખાતે આજે ધુળેટીના પર્વ નિમિત્તે દિવ્ય રંગોત્સવની ઉજવણી કરવામાં આવી હતી જેમાં ૨૦૦૦ કિલો કરતાં વધુ રંગોનો ઉપયોગ કરી રંગોત્સવ ઉજવણી કરાઇ હતી. મંદિરના પટાંગણમાં ૭૦ ફૂટ ઊંચા અને આકાશમાં અનેક પ્રકારના રંગોનો બ્લાસ્ટ કરી ભાવિક ઉપર રંગોના ઉડાડવામાં આવ્યો હતો. તેમજ 25 હજાર જેટલી ચોકલેટ નો વરસાદ કરી મંદિર ખાતે વિશ્વ રેકોર્ડ સર્જવા જઈ રહ્યા છે.આ ભવ્ય રંગોત્સવ માં આજે દેશ-વિદેશમાંથી હજારો ભાવિકોએ લાભ લીધો હતો તેમજ આજના દિવસે હનુમાનજી દાદા દિવ્ય શણગાર કરવામાં આવ્યો હતો મોટી સંખ્યામાં ભકતો રંગે રંગાયા હતા અને રાસ ગરબા રમી રંગોત્સવ ની ધામધૂમથી ઉજવણી કરવામાં આવી હતી

ચાંદીની પીચકારીથી છાંટવામાં આવ્યો કેસૂડાનો રંગ
અરવલ્લી જિલ્લામાં આવેલા યાત્રાધામ શામળાજીમાં ધુળેટીની ઉજવણી કરવામાં આવી, ભગવાન શામળિયાને પૂજારી સહિત ભક્તોએ રંગ છાંટી પર્વને ઉજવ્યો. ચાંદીની પિચકારીમાં કેસૂડાંનો રંગ ભરી શામળિયાને રંગવામાં આવ્યા. ભગવાન શામળિયા સંગ ભક્તોએ ધામધૂમ પૂર્વક ભજન કીર્તનના નાદ સાથે ધુળેટી મનાવી 

ઈસ્કોન મંદિરમાં હરિભક્તો રાધા કૃષ્ણ સંગ રંગોત્સવની ઉજવણી કરી 
રંગોત્સવ નું પર્વ એટલે ધુળેટી..ધુળેટીની ઉજવણી ઠેરઠેર કરવામાં આવી રહી છે ત્યારે હિન્દુ ધર્મમાં ભગવાનના દર્શનથી જ દરેક તહેવારની શરૂઆત થતી હોય છે ત્યારે ફાગ મહોત્સવ તરીકે ભગવાન શ્રી કૃષ્ણ અને રાધા સાથે હોળી રમવાનું પણ અનોખું મહત્વ રહેલું છે ત્યારે અમદાવાદના ઈસ્કોન મંદિરમાં હરિભક્તો રાધા કૃષ્ણ સંગ રંગોત્સવની ઉજવણી કરી છે  ભગવાન સાથે હોળી અને ધૂળેટી રમીને પરિવાર સાથે ધુળેટી ઉજવણી કરી છે મહત્વનું છે કે કોરોના કાળના બે વર્ષ બાદ મંદિરોમાં પણ રંગોત્સવના તહેવાર ની ઉજવણી થઈ છે. 

દ્વારકામાં ફુલડોલ ઉત્સવ
યાત્રાધામ દ્વારકા ખાતે આજે ધામ ધુમ પૂર્વક ફુલડોલ મહોત્સવ ઉજવવામાં આવશે. આજે બપોરે 1:30 થી 3:30 સુધી કરવામાં આવેલા આ ઉત્સવના આયોજનમાં લાખોની સંખ્યામાં ભક્તો પધાર્યા છે ફુલડોલ ઉત્સવનો દર્શન કરશે. આજે વહેલી સવારથી દ્વારકા મંદિર અને ગોમતી ઘાટ પર ભક્તોનો મોટો ઘસારો જોવા મળી રહ્યો છે. આજના દિવસે પવિત્ર ગોમતી નદી માં ડૂબકી લગાવી પુણ્ય નું ભાથું બાંધતા હજારો શ્રદ્ધાળુ.