હિંદુ ધર્મમાં જેટલા પણ તહેવારો હોય છે તે દરેકને સુખ અને સમૃદ્ધિની સાથે જોડીને જોવામાં આવે છે. 9 અને 10 માર્ચે ઉજવાઈ રહેલો હોળીનો તહેવાર ધામધૂમથી મનાવવામાં આવે છે. ફાગણ મહિનાની પૂર્ણિમાએ હોળીનો તહેવાર ઉજવવામાં આવે છે. આ વર્ષે આ દિવસે ખાસ યોગ બની રહ્યો છે જે દરેક રાશિને સુખ અને સમૃદ્ધિ આપશે.
હોળીના તહેવારે બનશે ખાસ યોગ
હોળીનો તહેવાર આપશે સુખ અને સમૃદ્ધિ
અગાઉ 3 માર્ચ 1521માં બન્યો હતો સંયોગ
હિંદું પંચાગને આધારે 9 માર્ચના રોજ આ યોગ બન્યો છે. કરિયર અને ધન સંપત્તિના કારક ગણાતો આ ગ્રહ ગુરુ બૃહસ્પતિ અને ન્યાયના દેવતા શનિ પોતાની રાશિમાં રહેશે. જે સુખ અને સમૃદ્ધ અને ધન વૈભવની રીતે સારો માનવામાં આવે છે. દેવગુરુ ધન રાશિમાં અને શનિ મકર રાશિમાં રહેશે. આ પહેલાં આવો સંયોગ 3 માર્ચ 1521માં બન્યો હતો.
સુખ સમૃદ્ધિનો થશે વાસ
હોળીના તહેવારને સુખ સમૃદ્ધિનું પ્રતીક માનવામાં આવે છે. આ સમયે ગ્રહોના ખાસ યોગના કારણે રંગોનો તહેવાર વધારે વૈભવશાળી રહેશે. હોળીના રંગ દરેકના જીવનમાં ખુશીઓ લાવશે. સાથે જ તમારા કષ્ટ પણ દૂર થશે.
નહીં રહે ભદ્રાનો સાયો
ભદ્રાના સાયામાં હોળીકા દહન શુભ ગણવામાં આવતું નથી. આ વખતે તમે ફ્રી થઈને તહેવાર મનાવી શકશો. હોળીકા દહનનું શુભ મૂહૂર્ત 6.32થી 6.50 મિનિટ સુધીનું રહેશે. આ સમયે સર્વાર્થ સિદ્ધિ યોગ પણ રહેશે. આ સમયે હોળીની પૂજા કરવાથી ઘરમાં આખું વર્ષ સમૃદ્ધિ રહેશે.
હોળીકા દહનનું મહત્વ
પંચાંગ અનુસાર ફાગણ મહિનાના શુક્લ પક્ષની આઠમથી પૂનમ સુધી હોળાષ્ટક ગણાય છે. આ સમયે કોઈ પણ શુભ કામની મનાઈ હોય છે. તેને અશુભ કાળની જેમ જોવામાં આવે છે. માન્યતાઓ અનુસાર હોળીકા દહન બાદ આ અશુભ ઘડીનું દહન થાય છે અને ફરીથી શુભ કાર્યનો પ્રારંભ થઈ શકે છે.