રંગોનો તહેવાર દરેકને પસંદ હોય છે. હોળીની તૈયારીઓ શરૂ થઈ ચૂકી છે ત્યારે બોલિવૂડની ખાસ પાર્ટીઓ યોજાય છે. પરંતુ આ તહેવારમાં કેટલાક કલાકારો ખાસ કારણોથી સામેલ થતા નથી. હોળી ન રમનારા આ કલાકારોની પાસે ખાસ કારણો છે.
આ કલાકારો નથી રમતા હોળી
હોળી ન રમવા માટે આપે છે આ કારણ
અનેક બોલિવૂડ સ્ટાર્સ કરે છે હોળીની પાર્ટી
જોન અબ્રાહમ પર્યાવરણ અને મહિલા સન્માનમાં નથી રમતા હોળી
બોલિવૂડ સ્ટાર જોન પણ હોળીમાં વપરાતા કેમિકલ વાળા રંગોની વિરુદ્ધમાં છે. તેઓ માને છે કે તેનાથી પર્યાવરણને નુકસાન થાય છે. આટલું જ નહીં તેઓ માને છે કે હોળીના બહાને લોકો મહિલાઓની સાથે દુર્વ્યવહાર કરે છે. આ કારણે જોન હોળી રમવાનું ટાળે છે.
રણવીરને કલરથી રમવું અને ગંદગી પસંદ નથી
રંગબેરંગી ફેશન સેન્સથી દર્શકોનું દિલ જીતી લેનારા રણવીર સિંહને રંગો પસંદ નથી. તેને ચહેરા પર કલર લગાવવાનું જરા પણ પસંદ નથી. તેઓ રંગોથી દૂર ભાગે છે. રણવીરને લાગે છે કે હોળીના કારણે ગંદગી ફેલાય છે. જેના કારણે તે હોળી રમતા નથી.
કરીનાએ આ કારણે હોળી રમવાનું છોડ્યું
કરીનાને હોળી રમવું પસંદ છે. તેને આ તહેવાર સામે કોઈ વાંધો નથી. પણ દાદાજી અને મહાન એક્ટર રાજ કપૂરના નિધન બાદ તેણે આ રંગોથી રમવાનું છોડી દીધું. તે દાદાજીને ખૂબ મિસ કરે છે. તેઓ કાયમ હોળીની શાનદાર પાર્ટી પણ આપતા. આ કારણે તેમના નિધન બાદ કરીનાએ હોળી રમવાનું છોડી દીધું.
શ્રુતિ હાસનને રહે છે સ્કીનની ચિંતા
એક્ટ્રેસ શ્રુતિ હાસન પોતાની સ્કીનને લઈને ચિંતિત રહે છે. તે સ્કીનની ઘણી કેર કરે છે. એવામાં તે આ કેમિકલ વાળા રંગોને પસંદ કરતી નથી. તે રંગોના તહેવારથી દૂર ભાગે છે. તેને પણ લાગે છે કે આ તહેવારમાં પાણીનો બગાડ વધારે થાય છે.
ટાઈગર શ્રોફને હોળીમાં પાણીનો બગાડ પસંદ નથી
બોલિવૂડના એક્શન હીરો ટાઈગર શ્રોફને પણ પાણીના બગાડને લઈને વાંધો છે. તેઓ કહે છે કે આ તહેવારમાં પાણીનો બગાડો વધારે થાય છે. આ સાથે તેમાં વપરાતા રંગ સામે પણ તેમને વાંધો છે. ટાઈગર હોળીના દિવસે પણ ફિલ્મોના શૂટિંગમાં બિઝી રહે છે.